王貽興專欄：女朋友太難捉摸！但感情就是一個願打一個願捱

男友為了給女友驚喜，特地跑到女友公司接她放工，沒想到平日經常埋怨男友沒有給她驚喜，不來接放工的她，卻因為今天沒有洗頭沒有化妝卻被男友接放工而大發脾氣，甚至不肯跟男友走，不肯吃飯逛街，整晚一臉哀怨，鼓起泡腮，猶如《咒怨》裏的俊雄，狠狠盯着男友，怪他怎麼不先講一聲才來⋯⋯

男友滿頭黑人問號，心諗點啊特登過嚟又要畀你話，咁又唔啱啊？又係你自己話要驚喜嘛，講咗仲點有驚喜？

沒化妝不肯見面？

女友嗔道，咁咁咁咁你可以前一日同我講，叫你聽日化定妝咪得囉！男友翻白眼，幾乎吐血當場，咁同講明我聽日會嚟接你有咩分別？咁仲叫驚喜咩？

最後，女友整天戴實口罩，唔肯去人多擠迫地方，費事畀人認到，全程扁嘴黑面，幾乎食嘢都唔肯除口罩，仲叫男友擰歪面唔准望⋯⋯

男人真的不明白。明明已經見過對方卸妝模樣太多次，明明一起旅行晚上在酒店房，女友都大模斯樣落妝拉屎戙高腳，再不修邊幅再誇張的都看過，還有甚麼好堅持好計較？

然而女生就是這麼莫名其妙。即使很多個大白天纏綿時把她身體每個部分都看遍，但親熱還是要你關燈；明明在你沖涼時門也不敲大模斯樣走進來脫褲痾屎，卻覺得在被窩裏放屁很沒禮貌，明明自己累的時候一回家就倒在沙發上一動不動，卻罵你一回家不換衣服就坐在沙發上很骯髒很多菌你知道嗎⋯⋯

女人的奇怪邏輯

女人之所以神奇，是因為她們的標準都是沒有邏輯，而且雙重標準，甚至自相矛盾。

既渴望驚喜，卻又害怕太驚喜，只想要事先張揚的驚喜，然後就得戚巴閉謂早就估到你會嚟啦，公就佢贏，字就你輸⋯⋯

公平咩？係唔公平㗎。咁你愛佢，就冇得計較公唔公平㗎喇。係制同唔制，係咪心甘情願一個願打一個願捱，繼續遷就呢啲愛的不平等條約㗎咋。

**Follow us on:

• Facebook: CosmoHK
• Instagram: @cosmopolitan_hk
• YouTube: CosmopolitanHK**