農夫成員C君（鄭詩君）與港台DJ女友黃天頤拍拖5年，，將於下周五（13號）結婚。今日他們率先將在日本拍攝的婚紗相曝光。
廣告（請繼續閱讀本文）
原來兩人為了趕影紅葉，所以婚前不足一個月才成行。Ｃ君說：「我之前上網睇啲KOL嘅相，見到影紅葉好鬼靚，於是一心想影輯滿布紅葉嘅婚紗照囉，可惜事與願違。10月尾去搵婚攝公司時，職員話10月尾冇紅葉要到11月中先開始有啲，咪搞到成件事咁遲囉。」
到達日本之後，當地職員指不是每處都有紅葉，要往較寒冷的地方，建議到近富士山附近拍攝。拍攝當日，雖然紅葉不多，但幸好天朗氣清，有整個富士山作背景，一對準新人更於凌晨4點就起身化妝Set頭，6點便出發。
廣告（請繼續閱讀本文）
今次二人反傳統選擇型格的黑色服飾，準新娘天頤表示：「我一直覺得婚紗係結婚當日先著，pre wedding可以揀自己鍾意嘅衫。C君成日強調輯相主題得兩個字，就係開心，如果著婚紗影相好難開心、又窄又盛又顧住有無走光又要縮肚。」
廣告（請繼續閱讀本文）
C君患有先天重型地中海貧血症，終生要定期到醫院輸血續命，雖然有4分1機會下一代會遺傳這個病，但他和天頤都期待下一代的來臨，因為萬一小孩遺傳這病，他相信都可以照顧。
撰文：機