《延禧攻略》中除了皇上和眾多妃嬪外，就以三位小鮮肉男星「傅恒」許凱、「海蘭察」王冠逸同「弘晝」洪堯最吸睛，三人在劇中都keep住清朝的光頭look，唔知大家覺得佢哋係光頭定有頭髮靚仔啲呢？
撰文：東方新地｜圖片：電視劇照及截圖、許凱微博、王冠逸微博及IG、洪堯IG
《延禧》三大小鮮肉 光頭look吸睛
廣告（請繼續閱讀本文）
許凱演傅恆 被封「最帥侍衛」
高顏值小鮮肉許凱喺《延禧攻略》中飾演與女主角魏瓔珞（吳謹言飾）曖昧嘅富察傅恒，因為呢部劇集擄獲唔少各年齡層女性嘅心，仲人氣急升成為一線小生，被封「最帥侍衛」！
廣告（請繼續閱讀本文）
其實許凱唔單止有顏值，演技亦都有返咁上下，充份詮釋到傅恆成熟穩重、足智多謀嘅個性，更被《延禧攻略》嘅製作人于正稱讚係「眼技戲骨」，話佢眼神憂鬱，特別撩人，大家又覺唔覺呢？
據聞，許凱仲十分敬業，為咗好好詮釋傅恆呢個角色所以決定提前入劇組讀本，就算要剃光頭都毫不在意！
廣告（請繼續閱讀本文）
劇中嘅傅性大部分時間都Cool到爆，卻有特別嘅魅力！對其他女人都冷若冰霜，唯獨對女主角魏瓔珞會展開笑容，傅恆深情嘅形象令唔少觀眾都好受落！