無印良品全港最大分店將於下星期在九龍灣開幕，不過有返咁上下江湖地位嘅CONY就有機會先睹為快，率先為LINE TODAY讀者直擊店內焦點，到底新店除咗面積更大之外仲有咩賣點？唔講咁多，即睇詳細報告！
無印良品新店佔地超過2.4萬呎，係全港最大間嘅分店。除咗一貫家品、文具、食品等，仲首次以「食」為主題，特設專售各種農場直送的新鮮蔬果及無添加食品的「食材市集」；帶來不同品種的日本米和來自世界各地茶葉的「茶米工房」；以及提供手沖咖啡、烘焙麵包、健康輕食的MUJI Café。
食材市集 無印與來自日本的Oisix合作，引入大量由日本農場直送的新鮮蔬菜。 還有各式當造水果。釀製梅酒的原料都有得賣。 冷凍櫃中的產品大多是無添加，而且多數是1至2人份量，切合香港小家庭的需要。 除了各種食材，亦有多款特色小食、飲品、調味料及主食等，教人花多眼亂。 茶米工房 提供16種調配茶，由茶藝師配搭出適合「早上」、「佐餐」、「午後」及「睡前」的茶品，可以散買之外，亦另設其他精選茶包。品牌挑選來自日本北海道、山形縣及長野縣的稻米，而為了保持米的鮮度，品牌先將未磨製的糙米運至香港，再進行精米程序，避免米粒受空氣酸化及減少水分流失。除了特定包裝，亦設有散裝選擇。 茶米工房亦有本地蜂蜜出售。 精選產品：
福岡溫室日川白鳳桃：6月至7月係水蜜桃最當造的時期。熊本FRUITY紅蘿蔔、熊本車厘茄、靜岡羽衣甘藍及鹿兒島紅遙芋 櫻井食品拉麵：採用無漂白小麥及不添加化學調味，設有多款口味。 淡路島洋蔥脆片（左）以兵庫縣盛產的香甜洋蔥配上沖繩無添加的調味，是健康美味的小食；而長崎戀100%純蜜柑汁（右）分別用上「原口早生」及「佐世保溫州」兩款品種的蜜柑製成，前者酸甜平衡剛好，後者則較甜。 MUJI Café餐廳內設有麵包工場，每天新鮮烘焙麵包。 麵糰採用北海道石臼小麥粉，因為磨製時間較短，水分和風味流失較少，因此做出的麵包較鬆軟香口。 Café繼續提供輕食，而新店的款式更多。 全新的夏日餐單會率先在新店推出。 料理套餐可自選3至5款菜式，配一份主食及湯品。 私心推介「梳乎厘奄列配白桃雪葩」，奄列口感如梳乎厘班㦸，但蛋味更香濃。 無印又新推出逾 50 款冷凍食品。透過解凍、加熱等簡易步驟，只需5至20分鐘，便能準備各款美味料理。
這裡更設有coffee bar，可嘗手沖咖啡和各款咖啡，方便grab & go。咖啡豆選以本地品牌，由於在香港新鮮炒製，風味更佳，客人更可直接選購咖啡豆。 咖啡由$27起，性價比高。 如果冇時間坐低慢慢食，餐廳亦有外賣輕食和便當選擇。新店除以「食」為重點，其他生活元素配置亦一應俱全。好像「住」方面，除了一系列家品、家具和收納產品，更設有空間主題展示和整理收納諮詢服務，助你設計理想家居，同時亦新增寢具體驗、替換配件、組件服務及刺繡服務，相當貼心。
住的空間主題展示區。
模仿父母與1名子女同住的單位。
家具配置諮詢服務、替換配件及組件服務：產品少了一件配件又不想浪費，可以前來重新配置。
可即場體驗不同物料製成的寢具。
刺繡服務首現香港。
可繡上衣物、手帕、布袋、毛巾及家居布藝等指定布製商品上，可自行挑選喜愛的圖案和自定刺繡位置。
有逾300 款刺繡設計供選擇。
香港限定刺繡系列：由來自東京的刺繡藝術家鈴木久美子設計出10款香港地道美食及交通工具。
MUJI BOOKS在衣履方面，新店細分了不同區域，包括男、女、童裝，以及旅行用品等。不過CONY在此不詳細介紹，繼續去搵食先！
新店面績超大，好彩有不同指示牌細分區域，而且產品十分齊全，一站式解決「衣食住行」的煩惱。
MUJI無印良品九龍灣店
地址：九龍灣德福廣場2期4樓401-402舖
開幕日期：6月22日下午12時
