無綫新劇《殺手》緊接《飛虎之雷霆極戰》播出，兩大視帝黎耀祥、陳豪，繼《秀才遇著兵》、《溏心風暴之家好月圓》及《法外風雲》後第四度合作！今次角色造型十分有趣，故事發生於一個虛擬的香港地，拳來腳往動刀動槍，殺手世界個個藝員都有與別不同的打扮！
撰文、圖片：東方新地
黎耀祥、陳豪做神級殺手
劇集背景發生於一個抽離世界，祥仔飾演的閻武，曾經一度風光的職業殺手，於業界被尊稱為「閻王」，可惜一次失誤，淪為低端殺手，自此頹廢潦倒。有人跌，自然有人補位「當紮」，呢個咪係陳豪所飾演的神級殺手喬星（Zero）。
陳豪飾演的喬星（Zero），以開設咖啡室作掩飾殺手的身份，由頭帶到尾以全白 look 示人，同佢天生高頭大馬可謂 perfect match！可惜服裝指導大整蠱，條條白褲緊到爆多餘位欠奉，加上陳豪於開拍期間無間斷操練，搞到肌肉過盛，爆褲收場！為演活殺手，陳豪自爆埋位前幾個月已跟隨當時仍是鄰居的張繼聰在健身室「 密會 」操練，還每日定時定候飲大隻奶粉，務求令自己保持「 爆肌 」示人。打鬥場面一手包辦，先有機會展示努力操練的「 爆肌 」成果，遇親打鬥場面，一律貼身「 緊股 」褲上陣，令陳豪「 肌臀 」現形，唔知陳豪拍這些打鬥場口，有冇試過遇上尷尬的「 爆胎 」情況呢？黎耀祥化身頹廢MK佬
黎耀祥飾演的閻武，闖禍導至家破人亡、風光不再，呢身過咗 N 個世代嘅 out 爆造型，可以說跟 MK 畫上等號。今年50有6，有本事操到六嚿腹肌跟身，祥仔坦言劇中的死敵陳豪正正是他半個健身教練，教曉他在飲食上計足卡路里，以及在拍攝騷肌前盡量唔飲水，令肌肉線條更明顯。呢身牛仔褸造型極有劉華《 旺角卡門 》的影子，不過佢就年過半百，再加上面上鬚根，完美演繹頹廢中佬。《殺手》李佳芯造型大解構玩黑色幽默
講到呢度，都略略估到兩位視帝喺個total look上有幾大分別。開拍初時，曾經有傳劇集是以荷李活男神奇洛李維斯主演嘅《殺神John Wick 》作藍本，查實睇真啲，《殺手》玩黑色幽默至真，上至兩大男主角下至女一、二，包括李佳芯、高海寧、龔嘉欣、江美儀、何遠東等等，個個造型都養眼搞鬼，稍一唔留神，分分鐘認唔出佢哋嘅真身！
C9必備的爆炸頭威力真的不容忽視， 即使有白滑長腿分散注意力，仍阻擋不了 Ali 散發出陣陣的C9氣色。盛傳被無綫送入「大雪櫃」近一年的李佳芯，於《殺》劇飾演失婚少婦錢向茜，其實只要收起C9式的爆炸頭，Ali仍是索女一名。劇中一幕Ali戴上粉紅色假髮配一身漁網rock妹造型，好爆！49歲江美儀 飾演 陀地Pink Lady
今年49歲的江美儀，在劇中要carry俏粉紅色，自信、勇氣缺一不可，well！仲要漁網絲襪加高踭鞋，兼「後門」大開晒bra帶，坦白講驚嚇過年度恐怖電影！《殺手》造型大解構！爆褲白馬王子陳豪vs驚嚇護士江美儀江美儀坦言小丑女的造型比起代表作《 名媛望族 》的「 黑絲 」look 更出位，也是她入行以來最多造型的一次！飾演妓女姚淑嫻的江美儀，努力在平平無奇的身材上擠出事業線，成功搶鏡。高海寧著緊身Tee做3D導彈清道夫
飾演林森森的高海寧（高Ling），於劇中既是廟祝又是殺手界專門處理屍體的清道夫，偏偏她是一眾演員中造型最正常的一個。身懷一副玲瓏浮凸的好body，不難發現服裝指導特意安排貼身緊Tee，助攻她暗晒身材。白色緊身Tee若隱若現透出內裡黑bra，惹人遐想。高 Ling 透露之前拍《 C9特 工 》接受了三個月的武打訓練，之後再埋位《 殺手 》，拍打戲，自覺進步不少。龔嘉欣染髮、剷青做至激Punk妹
飾演新晉殺手易蘭的龔嘉欣，今次好大犧牲，染髮、剷青、濃妝艷抹，再配襯bra top、短裙仔、漁網絲襪，完全同佢真人分別好大，難怪佢話有好一陣子唔敢照鏡！飾演新晉殺手易蘭的龔嘉欣，今次好大犧牲，染髮、剷青、濃妝艷抹，再配襯bra top、短裙仔、漁網絲襪，完全同佢真人分別好大，難怪佢話有好一陣子唔敢照鏡！
由於造型太突出，難搵替身，打鬥場面龔嘉欣硬掘親身上陣，換來右手無名指及尾指被棍打斷筋、右腳踢中槍柄、以及小腿被鎅開要入院縫三針，絕對稱得上「冇忽好肉」！嘉欣自爆由於bra top太貼身冇得加墊，只能黐膠紙打底。樊亦敏 煞氣刀疤 減磅全程小背心
飾演黑幫頭目妻子兼保鑣萬紅天的樊亦敏，面上的一道刀疤頓時為佢增添煞氣，更刻意減肥8磅令自己外形更貼近角色。奔五的樊亦敏膚色白裡透紅，以小背心示人，風韻猶存！飾演身兼時裝設計師和殺手經理人的何遠東，一身浮誇打扮同以往走去歐洲各大fashion week睇騷的潮爆填詞人黃偉文有幾分相似，不過就比對方更妖艷！