蕭游激辯｜田蕊妮直指蕭若元處於收成期：多謝蕭生衝擊思維

幾日前，蕭若元與游學修在Clubhouse中激辯「香港電影已死」等話題，其後二人各自在YouTube繼續隔空爭論，今日田蕊妮在張寶華YouTube節目訪問時亦有參與其中，直言蕭若元處於收成期，抱持舊成功方程式可能招至滅亡，多謝蕭生衝擊大家思維，讓年輕一代的力量更大。

較早前，蕭若元以資深傳媒人身份在新興社交應用程式Clubhouse中揚言「香港電影已死」及「香港電影回復80年代光輝機率是零」，游學修以新一代演員及網台負責人身份與對方激辯，其後二人意猶未盡，在各自的YouTube頻道上繼續發炮，蕭若元指「香港電影工業無前途」，游學修就批評上一輩恃住幸運而向後輩潑冷水。

最新消息，田蕊妮加入戰團！今日，她出席張寶華YouTube節目做嘉賓，被問到蕭若元的言論，她說：「或者我用一個觀眾同演員嘅角度去睇，一個科技嘅發展，確實係令到每一個觀眾接收娛樂嘅習慣性係唔同咗，而家係方便，只要想睇啲乜嘢，一個電話，已經可以搵到好多娛樂。」她認為，年代與以前不同，分別很大。「以前嗰個年代，佢哋餵你食咩就食咩，而家係一個變化年代，你唔知嗰樣嘢會變成點。」

對於蕭若元認為舊時代輝煌，香港不可能回到當時，田蕊妮表示：「可能佢（蕭若元）係收成期，曾經係成功人士，我唔覺得人係要循住舊規則去建立而家嘅嘢，當然你可以話係一個參考，但係咪需要跟住一條舊嘅路去做呢？」她亦直言在年輕一代的演員及導演中看到熱誠：「佢哋唔會乜嘢都話死咗就唔做，喺我嘅角度都係一樣，乜嘢都話死咗唔做，咁唔使做人喇？而家都仲有一啲人喺呢個行業，大家好熱心，亦都好有理想，想去開創自己新嘅路，又或者係大家一齊行嘅路。」

田蕊妮又認為，以往的成功方程式不再絕對，她說：「而家個世代已經唔再係有一條方程式跟住去做，甚至嗰條方程式，好可能係令到嗰樣嘢滅亡嘅主要原因。」對於蕭若元的批評，她直言深表感謝。「如果唔係有多得蕭生呢啲前輩，佢哋咁樣去衝擊我哋，衝擊我哋嘅思維，話畀你聽你哋嘅機會係等於零，你嗰股勁係未必有咁勁，有陣時人都需要有少少呢啲鞭策，嗰種力度會令大家更加醒同更加強。」