啱啱過完聖誕，眨下眼月尾新年又即將到。大家準備好「送豬迎鼠」了嗎？胃食小編再度出動，新一年要有新開始，當然要由美食為我地帶來一年嘅好運啦！
新年聚餐精選1：Grissini –君悅酒店
每到新年都習慣食中菜，今年想一反傳統，試下其他國家菜式？Grissini意大利餐廳就能滿足你呢個願望，俾你感受別具意式風情嘅新年！
今個1月，主廚Marcello Scognamiglio將帶大家品嚐佢家鄉意大利嘅傳統滋味賀年菜式。 精選賀年菜式包括牛胸腺配瑪莎拉酒及熏辣椒，仲有燉牛尾意大利雲吞配Castelmagno芝士，超濃牛肉嘅味道，餡料惹味，口感層次豐富！
午餐平均消費HK$420 ，而晚餐 平均消費HK$650。 *另收加一服務費
推廣日期：由即日起至2020年2月1日午餐及晚餐時段供應 地址：灣仔港灣道1號君悅酒店2樓
新年聚餐精選2：海景軒- 海景嘉福酒店
為迎接農曆新年嘅來臨，海景軒推出咗一系列粵式賀年佳餚。各款賀年佳餚都有吉祥意頭，有寓意步步高升嘅上海年糕燴松葉蟹鉗(港幣$288) 冬天時令嘅松葉蟹肉質鮮嫩且味道香濃，上海年糕吸收滋味蟹汁，讓人一再回味！ 廣東話「生菜」及「生財」嘅讀音類近，為賀年菜式常見嘅材料。
海景軒誠意推出嘅唐生菜燴豬腳仔(港幣$258)，寓意生財就手，豬腳仔經60分鐘慢煮烹調至軟腍入味，伴以唐生菜上碟，預祝大家發大財。 海景軒亦誠意推介山瑞裙絲炒龍蝦肉(港幣$528)及寓意發財好市嘅發菜燴蠔豉(港幣$308)等。
仲有呢幾款新春賀年佳餚供應！ • 白玉如意－百花蘿蔔環 • 龍皇瑞絲－山瑞裙絲炒龍蝦肉 • 發財好市－發菜燴蠔豉 • 步步高升－上海年糕燴松葉蟹鉗 • 四季如意－南瓜粟米炒烏珠筍 • 黃金遍地－雞蛋炒三文魚碎 • 生財就手－唐生菜燴豬腳仔
*另加一服務費 推廣日期：即日起至2020年2月15日 地址：尖沙咀麼地道70號海景嘉福酒店B2層
新年聚餐精選3：咖啡園-港麗酒店
唔少朋友鍾意新年帶屋企人去食先助餐。原因好簡單，因為自助餐多類型嘅食物，可以滿足晒一家大小嘅願望～ 咖啡園於新年期間供應嘅新春自助晚餐，除咗年輕一輩鍾意嘅現切魚生及一系列國際美食外，仲有勁應節嘅傳統魚生撈起，好氹得老人家開心！為新年帶來好兆頭，當然要飽飽滿滿過肥年啦！
晚餐： 1月29-30號：自助餐成人價錢：HK$658 ／自助餐小童價錢：HK$398。自選菜單適用。 1月24-28/31號：自助餐成人價錢：HK$718 ／自助餐小童價錢：HK$418。自選菜單適用。
*另加一服務費
推廣日期：2020年1月24至31日
地址：金鐘金鐘道88號太古廣場港麗酒店大堂低座
新年聚餐精選4：灣景廳- 灣景國際
農曆新年香港人最期待就係一家人團圓嘅時刻，灣景廳賀歲自助晚餐特意選用滋補矜貴嘅鮑魚、海參及花膠。帶俾食客驚喜一浪接一浪。先有花膠豬耳凍千層逐層雪製，入口即溶！ 另外鮑魚海蜇青瓜沙律形同傳統喜慶菜式撈起，吸睛又醒胃！
聽完咁吸引嘅前菜，灣景廳仲有供應原盅蒸燉3-4小時嘅鮑魚松茸瑤柱燉水鴨湯（每位一客）。啖啖燉湯都係精華，超鮮甜！ 另外多款加入新派元素嘅傳統珍饈，有外脆內軟嘅脆炸海參百花丸、鮑魚虎蝦天使麵、骨膠原豐富嘅花膠海參炆豬蹄筋、繽紛有嚼勁脆鮑魚海參海鮮炒飯、濃郁清甜脆砂窩花膠雲吞雞、以及鹹香鮮嫩脆花膠瑤柱扒菜苗等等。
晚餐： 自助餐成人價錢：HK$548/ 自助餐兒童價錢：HK$378/ 自助餐長者價錢(65+)：自助餐長者價錢：HK$488 *另加一服務費
推廣日期：2020年1月25-28日 地址：灣仔港灣道4號灣景國際
新年聚餐精選5：富豪金殿-富豪香港酒店
富豪金殿今個新年炮製出十款極具意頭及應節嘅新春佳餚，精挑多款傳統賀年食材，寓意十全十美！ 推介菜式有「金殿特式風生水起」(三文魚撈起)。撈起源於新加坡，高舉雙筷把所有食材越撈越起，寓意風生水起；撈得越高，來年定必步步高升。
另一賀年菜式「得心應手」(原隻南非鮑魚花膠扣鵝掌)，以原隻鮑魚扣鵝掌，取鵝掌寓意凡事必能得心應手，滿掌金錢，加入名貴嘅海花膠，更顯豐盛！
「一本萬利」(花膠髮菜紅燒西班牙元蹄)，富豪金殿以別具意頭嘅材料作食材。髮菜寓意發財，紅燒元蹄有橫財就手嘅意思，寓意新一年財源滾滾來~
其他新春開運菜式包括生意興隆 (生根枝竹炆羅漢上素) 、金銀滿屋 (蝦多士拼油泡帶子)、年年有餘(鍋燒花膠龍躉脊鰭)、金銀滿屋 (蝦多士拼油泡帶子)、稱心如意(錦江海參蝦球煲) 及富貴生財 (生菜蜆芥雞)。
菜式價格由$228起 *另加一服務費 推廣日期：2020年1月25日至31日 (正月初一至初七) 供應 地址：銅鑼灣怡和街88號 想收到更加多餐廳優惠資訊？ 請追蹤我哋facebook page 主頁：https://www.facebook.com/OKiBookHKYOUTUBE： https://www.youtube.com/channel/UCFshjv5Y2JRjVVDay3Mnp0g （細細聲話你聽：好多餐廳近排都推廣緊優惠阿！）