大家都知播足26年的《都市閒情》早前進行大改革，改埋名叫《流行都市》，好在一班網民至愛的索女主持有得留低。喺日前一集入面，「都市閒情女神」彭慧中又再大派福利，不過今次唔係騷招牌長腿，而係小背心上陣教大家做做運動！做運動有益身心，小編都要睇多幾次學好啲先得啦！
撰文：東方新地｜圖片：
「都市閒情女神」彭慧中
廣告（請繼續閱讀本文）
「都市閒情女神」彭慧中邊個唔識！29歲的彭慧中曾參選2010年港姐，火辣身材當時已經成為焦點，後來佢成為 《都市閒情》主持之一，雖然因為節目關係要保持端莊形象，上身要著得密密實實，不過彭慧中就成日著短裙騷美腿，睇到男士們心心眼！仲有仲有，上身密實唔代表無嘢睇，你懂的……
廣告（請繼續閱讀本文）
廣告（請繼續閱讀本文）
彭慧中《流行都市》繼續派福利 小背心做運動狂騷事業線
之前大家都會諗，轉做《流行都市》後，會唔會冇得再睇彭慧中派福利呢？不過大家可以放心！早前一集《流行都市》請來教練教大家做運動，主持們都一齊示範，彭慧中一邊做心口邊擺動，呢個時候大家對眼唔知望緊邊度呢？
｜激罕噴血泳衣照
平時唔常更新社交網的彭慧中，今年復活節假派禮物俾大家！相中見到彭慧中身穿泳裝坐喺石壆上，一雙長腿固然吸睛，不過都唔及件泳衣！泳衣設計中門大開，中間個窿由心口開到肚臍，只係有幾條繩遮一遮，酥胸半露，加下彭慧中眼鏡半除的神情，噴晒鼻血啦！
彭慧中雖然出名有好身材，不過唔係成日會派福利，所以好難得呢！
｜2010年選港姐
彭慧中2010年時參選港姐，可惜最後三甲不入，同屆三甲為冠軍陳庭欣、亞軍張秀文及季軍莊思明。
｜激罕行泳衣騷
早年彭慧中更同台灣性感女神雞排妹(鄭家純) 一齊行泳衣騷，極罕有公開性感示人，往事只能回味！