林海峰棟篤笑《是但噏Happy Monday》十大金句摘錄！（上）

林海峰棟篤笑《是但噏Happy Monday》日前開騷，此時此刻，他當然沒有迴避時事議題，大爆金句，今日先送你十大金句的上集。

金句1：「只要一個人唔再返工，全部人返工都開心！」
林海峰提到棟篤笑以「HAPPY MONDAY」來命名，當初希望大家星期一返工開心，但這幾個月來發生很多事， 特別是星期六日，讓大家星期一返工更加不開心，直言只要一個人不再返工，全部人返工都會好開心。

金句2：「以前香港人個個叫炒樓，而家個個叫香港人加油！」
林海峰《是但噏Happy Monday》當然沒有迴避香港的轉變，提到香港人以往唯利是圖，到現在變得正能量：「而家咁多人叫加油係咪收咗錢？呢個同錢冇關，同以前真係變咗，以前香港人個個叫炒樓，而家叫加油，香港人真係變咗。」

金句3：「你後生時候暑假點過？以前嘅後生係『四大天王』，今日嘅後生係『五大訴求』﹗
林海峰自言廢中，自己那一代經常都說欠了年青人，卻是有欠冇還，所以誠信破產！年輕時過暑假是四大天王，現在的年輕人是五大訴求，「所以唔好再講年輕人係社會未來棟樑，年輕人唔係未來，年輕人係現在呀﹗」

金句4：「如果有一個人犧牲，就有一日假期，我相信喺香港不久將來，全年可能返幾日工。」
林海峰坦言自己最期待的假期是端午節，是紀念愛國詩人屈原投江自盡的節日。他慨嘆當有一個人犧牲，香港人就有一日假期，相信不久將來，香港人全年可能返幾日工。

金句5：「你哋兩個唔好嘈，你做乜搵嘢掟佢呢？你又做乜搵支棍毆佢呢？剩係打你一個，你乖，請你食雪糕！」
林海峰開騷時罕有談及與弟弟林曉峰的經歷，二人鬧交，差點登報脫離母子關係，而鄰居又是林師奶，他的兩名兒子打架，卻發表以上偉論，明白的人自然會苦笑。
撰文：二弟