主打「無合約﹑無行政費」的新電訊商 Birdie 自由鳥 Mobile ，早前推出了4G月費計劃 $90 /5GB 計劃和 $120/7GB 計劃，不怕被「綁死」；最近再有新 Plan 推出，就是針對低用量用家的入門 4G Plan，快閃優惠月費只需 $38 ，包含了 300MB 4G 數據用量和 1,000 分鐘本地通話，而且有得用自由鳥率先推出嘅「7」字頭電話號碼。
月費 $38 的入門 4G Plan 包 300MB 4G 本地數據用量，用爆其後就限速至 128 kbps 任用。不過唔好睇用量咁少，因為即使你每月需要大用量，用呢個計劃一樣有著數！點解？因為即使經已用爆原本的 300MB ，亦可以係自由鳥 app 追加$100/10GB 的 4G 數據，除返開平均只係 13.8/GB，相比 $120/7GB 月費計劃平均 $17/GB 還更平！但係如果 300MB 唔夠用﹑10GB 又有點多的話，其實都仲有一個抵玩方案：只要你同朋友一齊 join $38 入門 4G Plan，其中一位追加 $100/10GB 4G 數據用量，然後就可以透過 P2P 功能射 5GB 數據比朋友/叫朋友射 5GB 數據比你！兩人 $38 月費加上追加的 $100/10GB，其實都只係要 $176，每個人每月都只需要比 $88！不過$38 Plan都是快閃優惠，暫時未知結束時間。
$38 入門 4G Plan 當然可以使用自由鳥外遊數據服務，低至 $12/日可以買到日本、台灣、星馬、韓國、泰國 4G 外遊數據：用法方便簡單，只要打開 Birdie Mobile App，再撳「漫遊」，在「數據日費」中揀選你需要嘅國家地區同日數即可，好處是先購買後使用，不用擔心有震撼帳單。而自由鳥外遊數據漫遊服務覆蓋超過 50 個國家，只要每次旅行前買對應地區的日費便可，不用次次飛之前都要買prepaid卡那麼麻煩。
了解更多：點按此
• 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/
