改編自真人真事網絡小說的港產電影《#PTGF出租女友》將於9月22日上畫，日前釋出的全新宣傳片中，包括市民街訪、對於「ptgf」有何睇法，同時介紹電影內的10位「ptgf」，有鄧月平（Larine）、秦楚瀅（娜美）、程美段、張沛樂（沙律）、郭奕芯（Ashina）、馬俊怡（Rose Ma）及從招募選出的新演員葉俙賢（Amber）、素凱琳（Erena）、曾嘉晴（Angel）和陳莉寶。
宣傳片中10個女仔的角色各有不同性格，除了Rose Ma、Ashina和陳莉寶打扮性感外，飾演ptgf好姊妹的Larine和娜美有學生look上堂，被老師問「可唔可以介紹一下咩叫打飛機加800？」一語篤爆兩人身份；另外她們又以cosplay於黑夜現身街頭，Larine戴短髮、全身貼身黑衫扮黑寡婦，她路經街頭時更偶遇男主角趙善恆（恆仔）；而娜美則扮小丑女，一頭白髮緊身look，原來兩人是cosplay做私影，供龍友拍照。
Larine戲中飾演ptgf「芷純」，她覺得黑寡婦該場戲很特別，因她一直想挑戰不同演出，而當日拍cosplay更有打戲，「套戲服係度身訂造同埋要入電令到套衫着燈，服裝方面嘅造型同埋個頭妝都好有心思，港產片入面見到黑寡婦，好佩服導演嘅創意。」Larine指導演為了效果更好，不惜重拍，她也明白港片要拍多次成本很大，「效果出嚟係嘩然，我覺得黑寡婦直頭可以拍一部戲，拍得好好睇。」
娜美飾演「芷純」的ptgf好友「Wing」，是個任性大花筒MK妹，但對朋友很有義氣，戲中娜美要講粗口，她笑言自己都要適應：「拍戲嗰段時間好喺角色入面，日常生活特別多粗口，有次同屋企人食飯，同媽咪講咗句粗口，嚇親媽咪。」她指角色跟自己最相似的地方係錫朋友，「Wing」很維護「芷純」，娜美看「Wing」這個角色時，都覺得她有時為義氣幾蠢，睇返自己都覺得蠢蠢地。