【新娘潭路車禍】疑重傷乘客發文反駁「救人英雄」：袖手旁觀何來有救人

大埔新娘潭路大年初三凌晨，發生「掃把佬」跑車奪命車禍，釀1死1重傷慘劇。車輛當時撞樹後起火，當中大難不死、斷了11條肋骨乘客情況有好轉，已移離深切治療病房。不過事件中出現插曲，一名姓曾的村民早前曾指，自己嘗試救人，救不到死者十分自責，反指車主在場的同行朋友未有救出死者「大難臨頭各自飛」。但自稱是該名斷肋骨重傷的乘客則在網上發文反擊，指當日逃生過程並非如此，曾先生「袖手旁觀，何來有出手救我和Brian」。

==================================

聲稱為重傷乘客帖文：

「我係__chan（新娘譚車禍生還者），我今天才有空看有關報道，發現那個所謂英勇救人邨民曾先生，他在事發當晚衹係袖手旁觀，何來有出手救我和Brian，再者我好彩地受了嚴重撞擊還清醒，衹係聽見附近有把聲意話著火快啲出嚟，我當時立刻開自己坐位度門，但發覺鎖實咗之後，我立刻向司機位度門開出嚟，到我自己爬了出來後，我立刻向果位邨民求救。

結果那位英勇邨民跟我銳，架車著火驚爆炸，敢去救我，我還跪地跟他說，啲火好細仲有時間，請你快啲救。

佢衹係重覆地說驚爆炸，一路都係袖手旁觀。

我都係自己爬出嚟，佢從來冇伸出援手去，何來有英勇救人呢！」

聲稱村民曾先生帖文：

撞車後，個乘客自己落左車，我去到嘗試拉死者出黎，之後爆炸，爭d自己都炸到。

佢有兩架車fd之後返轉頭，叫左個司機兩聲無反應，接左個乘客走，唔理。乘客自己爬到落車無救人，另外兩架車接走埋佢，其他人就以為佢自己一個開快車。

重點，其實乘客夠時間爬出黎，證明如果另外兩架車fd當時唔係走左去，即時停車救人，係絕對夠時間的。

大難臨頭各自飛。

PS：我救唔到死者，好自責

==================================

事發於大年初三凌晨，司機駕駛一輛「掃把佬」辣車沿新娘潭路往大埔方向行駛，當駛至近雞谷樹下時，私家車越過對面行車線，撞向電箱及「快相機」鐵柱後起火。消防員到場將火救熄，在車內發現該名37歲司機的焦屍，工作人員以膠布遮蓋死者遺體。及時逃出車廂的49歲男乘客胸部受傷，自行前往醫院求醫，其後清醒。

消息指，死者已婚，與妻子育有一對年幼子女。月初才過生日的死者姓吳，洋名Brian，鍾情「掃把佬」跑車並加入車會，事發時剛好出席完車會活動。Brian月初才過生日，並將一家四口切蛋糕慶祝的照片上傳至社交網站Facebook，不少好友留言祝賀。