慢活當道 最正梗係得閒搵個溫泉嚟浸下！
香港人鍾意去台灣玩，唔只因為飛行時間短、飲食選擇多、文化素質高，仲有好大一部分係台灣提供嘅生活方式——夠慢活。台灣不愧有寶島之稱，夏天有盡各種海灘活動，喺冬天又有極優良嘅地理條件浸溫泉養生，全台灣北部、中部、甚至東部都各有選擇。今日DailyView就同各位香港人介紹，20大台灣溫泉酒店，一於趁呢個時候睇定去邊，好好犒勞一下辛苦咗成年嘅自己啦！
DV小教室：網路溫度計透過《KEYPO大數據關鍵引擎》，觀測、爬梳台灣近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
image source:
image source:
10 台東知本金聯世紀酒店
相比起其他連鎖式酒店品牌，或者經營歷史悠久嘅溫泉酒店，知本金聯世紀喺2014年先開幕，算係非常年輕嘅品牌，酒店出自台灣名設計師吳宗岳手筆，正正係現代人鍾意嘅極簡風，寫意得來又有品味。再加上知本金聯世紀最出名嘅頂樓風呂裸湯，可以邊浸溫泉邊享受270度嘅台東美景同星空，簡直係唔同玩法。
地址：台灣台東縣卑南鄉龍泉路30號
電話：+886-89-515-688
image source:FB/知本金聯世紀酒店 Chihpen Century Hotel, Taiwan
9 新北金湧泉溫泉汽車旅館
唔想跑到咁遠去浸溫泉，距離台北市中心一個鐘距離嘅地方都有好多選擇。網友就推薦位於新北市金山萬里區嘅金湧泉。台灣沿海嘅海底溫泉以金山溫泉最具代表性，而金湧泉嘅泉脈正正係有美人湯之稱嘅硫磺低鹽泉。不過呢個行程可能就比較適合自駕遊嘅朋友，無車的話最方便嘅交通方法就要搭大巴上去。
地址：台灣新北市萬里區萬里加投213-3號
電話：+886-2-2498-3588
image source:FB/金湧泉溫泉會館
8 南投日月行館國際溫泉觀光酒店
南投以日月潭為旅遊核心，而日月行館就座落係成個涵碧半島嘅最高點，將美景盡收眼底。原址係蔣公（蔣介石）嘅行館，後來重建為依家嘅溫泉酒店。係呢個三面環湖嘅絕對地理位置，日月行館每間客房都有半戶外式嘅私人湯屋，可以一邊係自己房間浸住溫泉，一邊欣賞窗外日月潭嘅風景，都真係好寫意架。
地址：台灣南投縣魚池鄉水社村中興路139 號
電話：+886-49-285-5555
image source:FB/日月潭日月行館The WenWan Resort
7 宜蘭長榮鳳凰酒店
今次上榜嘅十大溫泉旅館有四間都喺宜蘭礁溪，可見「溫泉鄉」之稱唔係浪得虛名。同樣係台北市出發大約一個鐘嘅車程，而長榮鳳凰酒店勝在佢係國際集團品牌，所以除咗溫泉泉脈之外，酒店裡面嘅其他設施都係大家入住嘅一大重點。溫馨提示一下，宜蘭因係親子遊嘅重點區域，介意小朋友嘈嘅朋友要考慮下避開旺季。
地址：台灣宜蘭縣礁溪鄉健康路77號
電話：+886-3-910-9988
image source:FB/長榮鳳凰酒店(礁溪)
6 台東鹿鳴溫泉酒店
喺花東縱谷嘅鹿野鄉裡面，有一間好似故事書先會見到嘅樹屋，正正位於鹿鳴溫泉酒店。一踏入鹿鳴就好似走入童話書咁，成間酒店嘅設計都係為同自然融合咁款，而台東唔單止有豐富嘅天然溫泉資源，鹿野鄉仲係台灣唯一可以搭熱氣球嘅地方。除咗去浸個溫泉之外，同時欣賞下花東縱谷嘅美景，包你咩煩惱都無曬。
地址：台灣台東縣鹿野鄉中華路一段200號
電話：+886-89-550-888
image source:FB/台東鹿鳴溫泉酒店Luminous Hot Spring Resort&Spa
5 台東知本老爺大酒店
台灣人幾乎無人唔識老爺酒店集團呢個本地牌子，幾乎去到邊只要有老爺酒店就係品質保證。而知本老爺大酒店就喺知本森林遊樂園區附近，環境被山林環繞，再融合台東嘅原住民特色，知本老爺酒店基本上就好係一個與世隔絕嘅桃花源。留多兩日你可能以為自己去咗唔知邊個南洋小國渡假咁。
地址：台灣台東縣卑南鄉龍泉路113巷23號
電話：+886-89-510-666
image source:FB/知本老爺酒店 Hotel Royal Chihpen, Taiwan
4 宜蘭礁溪寒沐酒店
寒沐係台灣美學品牌寒舍打造嘅自家品牌，寒舍所經營嘅酒店都相當有藝術感。礁溪寒沐就好似你入咗一間美術館浸溫泉咁，最貼心嘅係為咗區隔開家庭旅客同埋獨立旅客，寒沐有「酒店」同「行館」兩棟建築，如果你追求一個放鬆又追求相當美感嘅輕旅行，揀行館絕對係你不二之選。
地址：台灣宜蘭縣礁溪鄉健康路1號
電話：+886-3-905-8000
image source:FB/礁溪寒沐酒店 MU JIAO XI HOTEL
3 南投雲品溫泉酒店
淨係聽個名都覺得有仙氣！同樣為處於日月潭邊上嘅雲品，除咗每間客房都有面向日月潭嘅獨立泡湯池，在每層樓同公共泡湯區都大膽使用落地窗，網友大力點評為「只要係雲品嘅公共地方就一定望到日月潭」。 再加上雲品所安排嘅節目，無論係親子活動定係藝術活動，配合著成個日月潭嘅魔力，簡直令人樂而忘返啊！
地址：台灣南投縣魚池鄉日月潭中正路23號
電話：+886-49-285-6788
image source:FB/雲品溫泉酒店日月潭Fleur de Chine Hotel
2 宜蘭礁溪山形閣
喺「溫泉鄉」脫穎而出嘅山形閣， 因為地理位置靠近火車站同商圈，所以對於搭大眾交通工具嘅旅客都非常方便。雖然位處鬧市，但係某些房型可以眺望龜山島同蘭陽平原，係礁溪來講係少數有地理優勢嘅景觀溫泉酒店。至於房間裡面的獨立泡湯池相當寬敞，鍾意空間感嘅朋友絕對會非常享受。
地址：台灣宜蘭縣礁溪郷中山路二段187號
電話：+886-3-987-2323
image source:FB/山形閣 Yamagata Kaku
1 宜蘭礁溪老爺大酒店
礁溪嘅老爺酒店行一個日式嘅風格，裝修都係以木質同禪風為主，而職員就直接著住和服來為你服務，令你一入門就如同置身日本嘅溫泉旅館 。礁溪呢間老爺酒店仲係唯一連續6年榮登世界小型奢華飯店會員嘅頂級度假飯店，好多台灣人都係去完礁溪浸溫泉住過老爺酒店，之後一試成主顧就變成老爺酒店嘅粉絲添！
地址：台灣宜蘭縣礁溪鄉大忠村五峰路69號
電話：+886-3-988-6288
image source:FB/礁溪老爺酒店 Hotel Royal Chiaohsi照顧好自己先叫做認真生活
如果你返工返得好絕望、如果你每日起身都懷疑人生、如果你覺得自己好似無咗「生活」可言…呢啲就係你需要休息嘅提醒，唔好淨係一味chur自己，係呢個迷茫嘅時代，我哋可以做嘅就係好好打理自己生活。雖然好多時候我哋都好像裸辭然後去環遊世界，但係係有本錢做到之前，不如趁星期六日買張平機票飛台灣，浸個溫泉休息下，都係一個好去處來架！
image source：礁溪老爺酒店 Hotel Royal Chiaohsi
分析說明：
本研究資料由《KEYPO大數據關鍵引擎》。提供，分析時間範圍為2018年12月03日至2019年12月02日。
網路大數據系統觀測台灣地區上萬個網站頻道，包括新聞頻道、Facebook、Instagram及各大討論區、BLOG等，針對討論『溫泉旅館』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，並根據網友就該議題之討論，作為本分析依據。