工人姐姐突然辭職 孫慧雪收追債電話兼恐嚇信

孫慧雪（阿雪）16年與有米圈外男友Edwin結婚，翌年8月誕下兒子Riley。升呢做媽咪嘅佢，既要工作，又要湊仔，唯有請外傭幫吓手，至現時囝囝已兩歲幾。昨凌晨她忽然在fb上載一封財務公司的追債信，並貼文解釋：「我工人姐姐突然請辭，話要返鄉下，我想請佢幫多幾日手都唔肯，喺佢一走咗之後，追債電話就打嚟，又收恐嚇信，即刻明晒點解對佢咁好都要走，我之前仲猛咁諗，係咪辛苦咗佢！」跟住她透露工人姐姐之前話有困難，已借了筆錢給她解決。她續留言：「唉！佢明知我哋屋企有小朋友都咁樣，真係好過份～可以點解決？」她更自嘲人善被人欺，時常都遇到這種事。由於工人姐姐突然請辭，她根本嚟唔切請第二個頂替，這星期惟有親自照顧囝囝，難得她覺得自己湊番又幾好喎！