就快踏入2019年最後一個月，令人興趣又期待嘅聖誕即將到！柏景餐廳打頭陣同大家提早慶祝佳節，推出快閃優惠！由即日起到12月2日，預訂2019年12月2至10日之自助餐，尊享自助午餐高達半價、自助晚餐高達55折優惠，真係抵到爛！仲唔拿拿臨訂座，手快有手慢無阿！ 是次自助晚餐主題為「窩心節慶美饌自助餐」以海鮮及爐端燒美饌為主打，仲有多款國際美食界你食盡海陸！ 前菜陣容超級頂盛，為節日盛宴打響頭炮！當中有矜貴美味嘅自家製鵝肝醬及龍蝦肉醬，口感綿密細膩，在麵包或餅乾上輕輕塗抹一層，鮮味無比，還有12個月法國巴斯克山區巴約納火腿等。 講到自助餐，點少得備受歡迎嘅海鮮美饌！冰鎮海鮮包括鱈場蟹腳、龍蝦鉗、海蝦、青口、翡翠螺、開邊龍蝦等是必食之選！ 另外爐端燒海鮮美食同樣種類繁多，廚師在燒烤爐上即席烤製食材，然後配上爐端燒特製醬汁，帶出食材嘅鮮味及香氣，冒著滋滋熱氣的爐端燒美饌令人食指大動！
熱盤方面，菜式都同樣豐富！有松露安格斯極上牛柳粒、黃金海虎蝦、泰式金不換炒海鮮、枝竹羊腩煲等每天輪流供應，滋味十足，滿足大家不同口味。 此外，餐廳總廚更悉心預備各款傳統窩心嘅節日美饌，有節慶不可或缺的兩款慢烤聖誕火雞: 傳統燒火雞釀雜乾果及堅果或大廚創意推介—糅合傳統與創意的燒火雞釀臘味栗子糯米飯。
金黃色嘅火雞烤得皮脆肉嫩，陣陣香氣令人流晒口水！充滿節日氣氛的精緻甜品包括聖誕免治批、聖誕樹頭蛋糕、聖誕栗子批、聖誕雜乾果蛋糕等。
火炙白蘭地焗聖誕蛋糕伴海鹽朱古力雪糕更會隆重登場，廚師會在一眾賓客面前澆上白蘭地酒然後點火，熊熊火焰頓時令氣氛升溫! 另外仲有得任食多款香滑Mövenpick瑞士雪糕，滿足晒無甜品不歡嘅你！
柏景餐廳亦驚喜獻上節慶精彩節目，包括合唱團報佳音、聖誕老人派禮物、小丑扭氣球及甜蜜「棉棉」，啱晒一家大細嚟食！快閃優惠結束時間：2019年12月2日早上8時正
想收到更加多餐廳優惠資訊？請追蹤我哋facebook page 主頁：https://www.facebook.com/OKiBookHK/youtube：https://www.youtube.com/channel/UCFshjv5Y2JRjVVDay3Mnp0g （細細聲話你聽：好多餐廳近排都推廣緊優惠阿！）