結婚當然要盡善盡美，小至婚禮的回禮禮品同樣不能馬虎。說到婚禮的回禮小禮物，最理想的當然是價廉而物美，既美觀又實用的禮品，這裡就為你推介7款有心思的回禮小禮物，有些更是自家製Diy禮物，價格宜人之餘，賓客亦絕對用得著！
心思婚禮回禮小禮物推介1：相片棉花糖
婚照除咗可以用來欣賞，亦可以放入口慢慢嗒！講緊嘅係Double Sweets呢款相片棉花糖。每粒棉花糖4 X 4 CM，可以印唔同婚照，仲有分禮盒裝同獨立裝，價錢最平HK$15/粒，包保賓客見到大叫特別！
店舖：Double Sweets
心思婚禮回禮小禮物推介2：清雅雲石曲奇
曲奇回禮，聽落唔太特別？但如果造型上推陳出新，就令人耳目一新。好似新人eugencat揀咗Eeee Bakery設計嘅雲石曲奇，就係近期大熱，清雅大體！
店舖：Eeee Bakery
心思婚禮回禮小禮物推介3：100%天然可食用潤唇膏
冬天結婚嘅新人，如果唔介意自家製，可以選擇「KISSBALM」手作（HK$395），有時會做禮盒on sale，原料及工具齊全，一盒可做6個潤唇膏。潤唇膏成份為100%天然可食用植物性材料，原材料包括源自所羅門群島的WILD有機冷壓初榨椰子油，有助抵抗病菌；來自西非的乳木果脂，係公平貿易産品，提供深層滋潤；有機純葡萄籽油有抗氧化作用；另以小燭樹蠟代替蜂蠟；還有玫瑰乾花作裝飾，帶有淡淡花香，大人小朋友亦可以放心使用。
店舖：Coconut Matter延伸閱讀：【結婚回禮】推介6款小心機回禮小禮物！更能令賓客難忘
7大吸睛回禮 保證一件不留！
心思婚禮回禮小禮物推介4：調配專屬精緻包裝花茶
花茶一向都係新人大熱之選，呢間小店除咗預設款外，仲可以因應你的需求及體質，調配出你專屬的花茶，啱晒鍾意tailor-made嘅新人！新人masakisummer出席朋友嘅婚禮，咁啱就收到呢份回禮，有埋精緻包裝，佢都大讚好有心思！
店舖：花弄茶依
心思婚禮回禮小禮物推介5：心形茶隔試管裝花茶
改一改包裝，用試管裝花茶，又係另一心思之作。Bespoke Favours Premium Gifts準備嘅tea tube有埋心形茶隔，襯返婚禮主題！茶葉是由英國著名嘅teahouse 進口， 味道包括 Earl Grey 、English Rose、Cherry Blossom、 Very Berry Crush，價錢由HK$25起！
店舖：Bespoke Favours Premium Gifts延伸閱讀：【結婚禮物/ 姊妹禮物】8間本地人氣手作IG店推介！做人情以外有心思又得體的選擇
心思婚禮回禮小禮物推介6：立式懷舊花車memo
回禮唔想送嘢食，可以參考新人HappyCat入手嘅立式懷舊memo花車都係個好選擇！可愛嘅花車造型貼合婚禮主題，裡面係實用爆燈嘅memo紙，返學返工都啱用。
店舖：Counterclockwise
延伸閱讀：創意小回禮 呃 like 無難度
明星們的平民化回禮**
心思婚禮回禮小禮物推介7：愛情金句婚照啤牌
呢款睇得又玩得嘅回禮非常少見，就係用新人Windywing嘅婚照同愛情金句製作啤牌，開席前可以娛樂一番，之後又帶返屋企留念，總有用得著嘅時候！
延伸閱讀：送禮要講究！賓客贈送結婚禮物及人情的5個禮儀和禁忌
Text_Fanny（Editor's Blog）
Edit_Poyee**
Wedding.ESDlife FB: