林海峰棟篤笑《是但噏Happy Monday》十大金句摘錄！（下）

林海峰棟篤笑《是但噏Happy Monday》繼續在紅館晚晚上演，金句依然會心微笑，昨日看過十大金句上集，今日看看另外五句！

金句6：「加班係恩賜，加薪係放肆！」
林海峰以自己的第一份工做開場，將工作比喻為婚姻，但年代不同，打工環境也不同，以前有說「工作係恩賜，休息係放肆」，但今日就變成「加班係恩賜，加薪係放肆」，今日搵到的大部份工作，都是『正衰工』，更加搞到本身的婚姻生活不如意。

金句7：「加人工幅度，等如電車加速！」
林海峰在棟篤笑中講出打工仔心聲，談到人工加幅猶如電車速度，老闆叫你講心唔講金，就算打工仔想放假，但可以的話，放監更好，因為放監不用回去，放假就只是放風而已。

金句8：「只係容許下面的人忍夠辭職，從來無上面的人引咎辭職！」
林海峰慨嘆，以前的人權力愈大，責任愈大，現在則是權力愈大，隻鑊愈大，結果「只係容許下面的人忍夠辭職，從來無上面的人引咎辭職。」

金句9：「壞咗嘅人寧舍精神，壞咗嘅人先至係人！」
林海峰提到自己曾經在舞台劇《短暫的婚姻》中飾演出軌男，憶起導演當時教路，只要有掙扎就不是一個壞人，觀眾就會同情；他笑稱「壞咗嘅人」才算是一個人，絕對的權力可以令人絕對的腐化，但絕對無力可以令人絕對睇化。

金句10：「成功男人背後有個女人，失敗爸爸背後總有一兩個反白眼的仔女！」
林海峰不忘提及為人父親的辛酸史，坦言自己育有兩位公主，一個19歲、一個15歲。當二人正值反叛期，遇上自己的更年期，兩位公主去到餐廳要自己睇餐牌叫菜，好似讀小說般這麼久，催促她們卻被反白眼，認真慘情。
撰文：二弟