唔介意同陳瀅情侶檔　陳家樂：佢係女神

藝人陳家樂到電台與一眾小朋友參與廣播劇錄音，劇中他飾演父親，但有感小朋友之前已接受播音相關訓練，他擔心聲線未能表達長輩身份，故打算壓低聲線錄音。

談到日前被指與陳瀅同居，他再三澄清只是好友：「嗰日我都唔係去佢屋企，係咁啱有圈外朋友住喺嗰度啫。我哋係有聯絡，知佢忙緊拍劇，總之唔考慮（拍拖），亦唔會有發展，佢係女神嚟。（日後唔介意情侶檔演出？）當然唔介意啦，希望佢都唔抗拒，因為以前同佢合作好愉快。」

至於工作安排，家樂透露正為新戲操肌：「Mani（霍汶希）話胸起碼要大一倍先得，件戲服先着得好睇。我依家一星期跟教練操四日，以前飲過操肌奶粉流鼻血，依家換咗另一牌子又喺背脊爆瘡，不過我都係揀爆瘡，因為流鼻血個人好虛。」而電影因劇本出現問題，未知開拍日期，他指最遲可能要待明年初才開鏡。

--------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/