廖慧儀五甲不入　男友氹番：你是我心中的冠軍

今屆港姐結果塵埃落定，由海外佳麗謝嘉怡勇奪冠軍，至於是非多多嘅「狂野空姐」廖慧儀則五強不入。呢日廖慧儀男友Sam就喺社交網發文安慰女友，指知道女友喺參選兩個月期間付出好多努力，務求做到最好，並表示非常欣賞女友喺比賽中嘅表現，又大讚「你是我心中的冠軍」，認真冧到爆。不過就有網友落井下石，笑指廖慧儀係「陪跑員」，又話佢三甲不入係意料中事。

而同樣五強不入的黃婉恩，未有受落選影響心情，照樣與親朋好友慶祝，更獲送上鮮花及后冠。至於未能躋身十強嘅落選佳麗梁懿婷，昨晚亦有到決賽現場支持一班佳麗，而佢更有幸同偶像「金城安」周嘉洛集郵，更興奮表示：「Best day in my life！鍾意你好多好多年，出國讀書日日睇愛回家係因為你，終於有合照好興奮！」似乎仲開心過拎港姐冠軍。

東網網站 : https://on.cc/

東網Facebook專頁 : https://www.facebook.com/onccnews/