24歲林宣妤17年奪得華姐亞軍而入行，來港發展三年，不堪壓力爆煲患上暴食症，有傳拒簽無綫提出的十年合約，去年5月約滿即返回娘家打算做回自己專業當營養師，與緋聞男友丁子朗被迫異地相思。原來林宣妤最近秘密返港，更經楊紫瓊穿針引線下，成為李澤楷新開的經理人公司旗下藝人，以進軍國際為目標，身價大躍進。
撰文：東方新地 ｜ 圖片：東方新地、林宣妤IG
楊紫瓊任選美評審而見過面
來自大馬的林宣妤（Serene）出道即被封全民女神，16年參選《Astro國際華裔小姐競選》獲得冠軍後， 翌年在《17年國際中華小姐》奪得亞軍而簽約無綫，拍過《使徒行者3》、《反黑路人甲》、《她她她的少女時代》，備受力捧，卻因壓力太大患上暴食症，去年五月約滿即返回娘家大馬養病。不到一年，原來林宣妤最近秘密返港，更簽約成為李澤楷新公司旗下，有指是經楊紫瓊介紹，林宣妤接受傳媒訪問時，指在大馬參選華姐時，楊紫瓊是評判之一，一次見面的機會竟促成她與李澤楷相識，林宣妤向傳媒透露因楊紫瓊知道李澤楷會開一間經理人公司，故把她引薦給李澤楷。
李澤楷力邀湯唯經理人出山
能簽約成為李澤楷新開經理人公司Noble Castle Asia旗下新女，林宣妤話與李澤楷僅見過一、兩次面，大家是網友，因為靠zoom meeting傾工作，期間是在經理人陪同，對李澤楷的感覺，是對方好正經，很formal的人，沒有特別感覺。有指林宣妤的經理人Maria曾擔任劉詩詩、湯淮經理人，本來在美國安心湊孫，準備享受退休生活，由李澤楷親自邀請出山。
強調冇同丁子朗拍過拖
提到緋聞男友丁子朗，林宣妤立即澄清兩人無拍過拖，丁子朗只是在香港其中一個朋友。林宣妤又表示現在學戲及拉丁舞增值自己，為未來工作做好準備，暫時是新公司唯一藝人。
林宣妤拒簽十年長約
有人辭官歸故里，亦有人漏夜趕科場，五光十色的娛樂圈，都唔係人人眷戀，在《使徒行者3 》更被安排飾演林峯女友，是無綫點名力捧小花，雖然機會擺在眼前，去年五月約滿的林宣妤，與無綫拉鋸多時，最終仍決定不續約走人。
據知情者透露：「當選華姐之後，無綫一路畀好多機會Serene，好似喺《使徒行者3 》，佢就演林峯女友，可以話係一個肯定受關注嘅角色，不過， 拍咗幾套劇之後， Serene覺得自己唔係好適應娛樂圈嘅生活，加上佢家人全部喺馬來西亞，來港發展之後，佢一路都有思鄉病，所以上年底無綫一路傾佢簽長約留低發展，傾咗大半年，佢最後都決定唔續約，返大馬做營養師。」
林宣妤和丁子朗的生日僅相差半個月，去年獲友人為他們一同慶生，情侶關係在友儕間早已公開，當時同場還有星夢新人劉子碩（右一）。
與丁子朗去年初撻著
女友放棄留港發展，最唔捨得肯定是同林宣妤拍拖一年多的丁子朗，同是選美出身的丁子朗和林宣妤，兩人都是由外地返港發展，同聲同氣特別投契，為免影響事業，二人有共識低調戀情，可惜蜜運情侶見解未能一致。據知情者透露：「Karl（丁子朗）梗係想Serene留低啦！如果Serene返咗大馬，真係唔知幾耐先可以見一次面，他亦同女友分析過，大家都仲年輕，如果想喺呢行做到成績，一定要揼啲時間，不過Serene就唔係咁睇法，佢覺得簽長約好困身，又唔捨得長時間同屋企人兩地分隔，不過最主要原因，都係Serene對呢行唔係咁大興趣，所以寧願返大馬做營養師！」林宣妤放下香港演藝事業走人，會唔會放下埋男友丁子朗？真係一個考驗！
