短髮女神逐個look！蘇皓兒、楊偲泳短髮比長髮更有吸引力

做女神唔一定要長髮飄飄嘅，短髮都一樣可以突顯女神風範！其實唔少女星多年來都keep住短髮造型，清爽利落令人留下深刻印象，甚至比長髮更有吸引力呢！

撰文、圖片：東方新地

梁詠琪44歲

可謂現代短髮女性典範，梁詠琪carry得好好，更能突顯氣質，短髮亦成為佢個人象徵。

高海寧33歲

髮型能夠改變一個人嘅氣質，好似高Ling剪短髮後散發出一股高雅嘅氣息，加添成熟韻味。

蘇皓兒26歲

以蘇皓兒嘅面形襯上短髮最適合不過，突顯五官之餘，更添幾分個性，典型甜美系少女！

蔡思貝29歲

本身長頭髮嘅蔡思貝年前為拍劇集《機場特警》而剪短頭髮，估唔到短髮造型大獲好評，看起來更清爽甜美，所以一直keep到依家。

陳茵媺39歲

短髮令陳茵媺灑脫的個性表露無遺，卻又不失女人味！

周家怡40歲

向來性格率直爽朗嘅周家怡，彷彿天生襯短髮造型，既能提升其氣場外，更顯活潑逆齡。

楊偲泳26歲

除咗係張振朗嘅女朋友之外，短髮亦係楊偲泳嘅標記，近來仲愈剪愈短，被網友笑指佢變得好靚仔。

龔嘉欣30歲

為新劇《殺手》剷青染髮扮punk妹，呢個壞女孩look原來都幾襯龔嘉欣喎！

李君妍28歲

為拍新劇《七公主》而改變造型，令人眼前一亮，更不經意流露出霸氣和自信。