【勒斃男孫】稱曾想用枕頭焗孫兒 被告作供：個腦話我知佢有精神病要勒死佢

患精神病的外婆前年疑在時鐘酒店勒斃六歲男孫案今於高等法院續審，被告繼續出庭接受控方盤問，她指案發當晚男孫曾責罵她不懂玩玩具，她便剪下背包肩帶欲勒死男孫，但她想：「個人好地地棟係度，生勾勾，要用條帶勒死佢，嘩，我做唔到囉」。她堅稱她剪帶時並沒有發怒， 但及後「唔知做咩想搵個枕頭焗佢」，並憶述男孫當時「唔覺得驚，覺得好似玩咁」。
55歲被告簡桂芳接受控方盤問時指，自己在案發當日「有時想死，有時唔想死，個日情緒低落，受情緒思想控制住」，「買把刀我唔知幾時去死」。被問及她是否脾氣差及體罰男孫時，她指：「我無聽人話話我脾氣差⋯對住（男孫）6年半，唔多唔少都有發過脾氣，佢唔岩個時話佢幾句咁」。她稱：「3、4歲個時有試過打，不過只係打下蘿pat，有用藤條打過一兩次，唔似人地虐待咁恐怖嗰啲⋯我想嚴謹啲教好佢，唔會成日打佢」。
簡憶述案發當日入往酒店後曾與男孫玩玩具，男孫發脾氣罵她不懂玩玩具，簡指她當時「怕佢會咁樣對啲同學，驚佢無朋友，所以剪條帶想勒佢」，但她認為勒死男孫的手法太殘忍而放棄。簡攤在床上放枕頭放在臉上，指使男孫「㩒個枕頭焗住」她，然後向男孫指「你又試下啦」，男孫跟從後因感到不適，故撥開枕頭。被問及當時是否有謀殺意圖時，簡指：「都可能有咁嘅諗法，我自己都唔明我自己」。簡指她與男孫睡著後，「個腦話我知佢（男孫）有精神病，要勒死佢」。
曾與簡在同一公司工作的女職員出庭作供，她們均指簡工作盡心盡力，表現是歷來聘僱的清潔工中最好。大家都發現簡在2018年農曆新年後暴瘦，變得心神恍惚、心事重重、樣貌憔悴，而且簡「次次講起個孫仔都喊」，又指「擔心個孫跟唔上學校進度，她怕教唔好個孫」。女同事們均有建議簡要求其女兒黃詩敏（即死者母親）幫忙教男孫功課，但簡當時指：「個女叫我唔好煩佢」，她們又指簡與黃每次談電話都是「嗌交收場」，黃更表明「點都唔會幫手」。
案件下周一再續，辯方將傳召專家證人。
法庭記者：劉曉曦
建立時間13:34
更新時間15:57