TVB姐仔陳庭欣早前承認與擁過億身家的彩豐行老闆楊振源(Benny)拍拖，直認正互相了解中，相處得好開心。但呢頭公開戀情，嗰頭有傳新歡Benny本來亦有個𡃁模女友劉依靜，Toby本人同男友唐偉倫未分手就另結新歡。
Toby回應時強調自己冇一腳踏兩船，唔係「小三」，拒絕再食「死貓」，仲罕有地多次喺IG貼同男友合照，分明係要話畀全世界知佢係正印。面對女友狂發功，Benny近日終於喺IG貼上同Toby嘅合照，以正其女友嘅地位，Toby收到定心丸，開心晒啦！
撰文：東方新地｜圖片：東方新地、Instagram
廣告（請繼續閱讀本文）
陳庭欣新歡 晒合照派定心丸
對戀情向來低調嘅陳庭欣，早前罕有地喺社交網公開同富二代男友楊振源(Benny)行山合照。
廣告（請繼續閱讀本文）
Toby早前31歲生日，佢再晒出同朋友、男友慶生照片！佢仲留言話：「多謝咁多位兄弟姊妹陪我預祝生日，特別係我的honey 🍯♥。。。愛死你哋😘😘😘」呢個「我的honey」真係好閃囉⋯
親證女友地位
廣告（請繼續閱讀本文）
面對女友強勁攻勢，Benny終於有番啲表示，佢喺Instagram上載當日二人合照，見到Benny攬實Toby仲頭貼頭，又留言話「Happy birthday Honey❤」好Sweet，睇真啲！背景就有氣球砌成「HAPPY BIRTHDAY HONEY」睇嚟「honey」係二人嘅稱呼！