【亢奮抗疫】索腿張曦雯打機爆粗講「Shxt」

呢排好多商場都靜到烏蠅飛過都聽到，除咗買遊戲機嘅電腦商場，睇新聞都知人頭湧湧，插針都插唔入，好多仲係女仔嚟添！其實圈中都有好多打機女神，佢哋巾幗不讓鬚眉，打機真係醒過我同你。

張曦雯 打機真女神

你的樣子如何，你的打機技術未必如何！以前話打機一定宅到爆，都唔會理外表，但係出名樣靚身材正嘅張曦雯就正正係一名打機高手。最鍾意打喪屍Game嘅佢正日喺打機直播表露真性情，有時仲緊張到講：「Shxt！」都咪話唔誇張。

麥美恩　抗壓靠打機

麥美恩不嬲傻大姐性格，做司儀愈來愈有功架，不過責任愈大，壓力就愈大，唔減壓好容易爆煲。原來佢返到屋企就鍾意立即入房借打機為名，來抒發個人情緒。

湯洛雯　同男友一齊打…遊戲機

湯洛雯同張曦雯一樣勁鍾意打機，打喪屍Game手到拿來。唔同嘅係張曦雯鍾意自己同網友玩，靚湯就鍾意同男友一齊玩，仲送過遊戲機畀男友作為生日禮物添，除咗打機，佢亦好喜歡動漫，好有少女心。

東網網站 : https://on.cc/

東網Facebook專頁 : https://www.facebook.com/onccnews/