宜家喺香港想搵番啲歷史回憶，真係越來越難！但係呢個荃灣嘅舊紗廠投入左保育計劃，搖身一變成為文化新地標，月中開放左一少部份，宜家成棟開放俾大家喇！
呢間紗廠經保育之後，有好多舊時嘅元素都保留番，令大家可以感受下新舊文化嘅融洽！
鍾意懷舊工業風嘅大家，一定唔可以錯過呢個打卡點！
《外牆壁畫街》
《紗廠坊大堂》
《CHAT六廠置物櫃》
《紗廠耕地》
《紗廠公園》
《紗廠後樓梯》
除左好多懷舊打卡位，紗廠都有好多唔同嘅店舖進駐，令到呢度嘅內容更加豐富！
之前開放過嘅CHAT六廠之後都會喺度，仲會為大家搜羅藝術品，舉行藝術展！
以為呢度只有打卡？少年你太年輕喇！文具、精品、手作仔⋯⋯，呢度都滿足到大家！
《Modena》
睇到七彩顏色嘅野都會令人心花怒放！
呢間文具店賣嘅簿同埋文具都有好多顏色揀；臨近聖誕，仲有好可愛嘅聖誕版本，送禮啱哂！
《Koko Coffee Roasters》
呢間中、上環好出名嘅本地cafe都進駐左呢度，懷舊工業風裝修好靚！
仲放左一部德國古董炒咖啡機喺度，嚟呢度先品嘗到呢部古董炒出嚟嘅咖啡豆嫁！
為左推廣咖啡文化，遲啲仲會有tasting工作坊，啱哂想接觸咖啡或者品味咖啡嘅大家呀！
《Shabibi Sheep Workshop》
呢間精品小店原本只有網店，宜家搬入紗廠同大家分享！
創作媒體由水泥開始，之後再加入其他元素～好似樹脂、木材、蠟等等！
之後都會舉辦工作坊，等大家都享受下創作嘅樂趣！
《EONIQ》
客製精品手錶品牌都一樣俾紗廠吸引入嚟！
呢間EONIQ一開店就引嚟熱烈討論，想擁有一隻獨一無二嘅手錶，就嚟訂造或者參加工作坊啦！
同場仲有好多好有特式嘅cafe同埋小店，大家有時間就嚟尋下寶啦，話唔定有意外驚喜嫁！
《南豐紗廠》
地點：香港荃灣白田壩街45 號南豐紗廠
開放日期： 2018年 12月 7日起
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
