提起素食，好多朋友都耍手擰頭，覺得味道又淡，菜色又dry，不值得浪費quota一試。如果你都係抱有呢種想法，小編就要利用呢篇素食自助餐推介打破你呢種固有觀念！近年香港新開好多素食餐廳，除了有打卡必去的素食餐廳外，都多咗好多素食自助餐，幾十至百幾蚊價錢就可以食盡各國新式素菜， 價錢親民之餘，破格菜色更會令你食指大動！
素食自助餐推介1. 走肉·朋友
位於大角咀的走肉·朋友，由2017年11月開業至今，是不少素食者吃素食自助餐的美食天堂。呢間素食餐廳定期推出以港式、台式、日式及南洋風情為主題的素菜，今期最新系列是參考延禧攻略改名而成的「走肉攻略 : 京‧川‧滬篇」。
▲紅燒獅子頭食材：植物性蛋白、大豆
「走肉攻略 : 京‧川‧滬篇」素食自助餐菜式非常豐富，有紅燒獅子頭、麻婆豆腐、冰梅貴妃雞、東坡肉、糖醋排骨、回鍋肉等，睇賣相完全呃倒食肉獸！糖醋排骨是用油炸鬼扮成，係咪估佢唔到呢？
望住呢碟東坡肉，以為好肥膩？其實真身是冬瓜！
▲冰梅貴妃雞食材：大豆纖維
走肉·朋友提供自助午餐及自助晚餐，每日大約有近四十款素菜菜式，包括沙律吧、熱盤主菜、湯及甜品等豐富程度媲美一般酒店自助餐！走肉·朋友部份菜式含蛋奶或蔥蒜，均有標籖清楚顯示，迎合不同素食人士的要求。
走肉•朋友素食自助餐價格
自助午餐
價錢：$68(星期一至五）
價錢：$88(星期六、日、公眾假期）
自助晚餐
價錢：$118/成人；$88/小童（星期一至四）
價錢：$148/成人；$118/小童（星期五六日、公眾假期及初一、十五日 ）
地址：大角咀博文街28-30號地舖
素食自助餐推介2. 無肉食 ahimsa buffet
一睇個名就知呢間餐廳「無肉食」！這裡同樣主打素食自助餐，提供40-60款素菜選擇。其中一位創辦人曾於素食餐廳工作，非常支持食素理念。有感香港人認為素食等同清淡、只有菜和太古板，所以創立無肉食 ahimsa buffet，以自助餐模式展現多元化素菜，並以親民價錢吸引大眾，希望非素食者都能夠試試素食。
▲白胡椒菜湯去涼防寒，有助消化。
以白胡椒粉做湯底，純天然、無添加、夠哂健康。白胡椒湯好惹味，飲落少少刺激味蕾，又唔會好辣好傷喉嚨。湯內有不少健康食材如枝竹、鹹菜、涼瓜等等。
▲脆脆花生芽
外面酥脆鹹鹹哋，內面爽甜，口感豐富。花生芽營養價值高，可防止心血管疾病同埋抗老化。
▲韓式炸素「雞」
外表好似炸雞，原來是椰菜花！外面有一層酥脆皮，配上酸辣韓式醬，口感卜卜脆，好似食炸雞！
無肉食ahimsa buffet 素食自助餐價格
自助午餐
價錢：$68/成人；$48/小童(星期一至五）
價錢：$78/成人；$58/小童(星期六、日、公眾假期）
自助晚餐
價錢：$108/成人；$78/小童（星期一至四）
*旺角店價錢貴$10
地址：
北角堡壘街10-16號華曦大廈地下B舖
旺角洗衣街88號2樓
佐敦德興街8號地下
素食自助餐推介3. 素食分子 InnoVeggie
素食分子 InnoVeggie由一班擁有多年經驗的餐飲業經營者打造，提供中、西、日、泰素食自助餐，每日菜色都超過40款，連大廚周中師傅都有推介！
創辦人為了塑造「食素的人不但不老套還很潮」的形象，設計出多國菜素食，更可散點或order套餐。部分菜式更來自大學中醫教授的素菜食療！餐廳除了使用無公害蔬菜、芥花籽油和「逆滲透」淨化水！
估唔到食素都有壽司！呢款雙色壽司以蔬菜為主，蘸芥末與醬油，同食日本壽司無分別。
呢款「笑口常開」含素叉燒，配上生菜絲，儼如食叉燒包一樣，夠晒飽肚。想食更多素burger？呢幾間餐廳都有！
素食分子 InnoVeggie繼北角分店後，最近在天后開分店，可容納30位客人。
素食分子InnoVeggie素食自助餐價格(北角)
自助午餐
價錢 : $68(星期一至五）
價錢：$78(星期六、日、公眾假期）
自助晚餐
價錢 : $108(星期一至星期四）
價錢：$128(星期五、六、日、公眾假期）
素食分子 InnoVeggie素食自助餐價格 (天后)
自助午餐：$88
自助晚餐：$128
地址：
北角堡壘街2-4號地下
天后興發街102號地舖
西環堅尼地城卑路乍街18A號如意大樓創景商場地下2號舖
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**
