想食得足料飽肚又希望食物價錢經濟實惠？將軍澳有間新開張的日式快餐店定能滿足你的願望！餐廳有幾款主打菜式，份量多而且質素不俗，大家可以試試～
店舖設有自助點餐機，可以八達通或信用卡付款，方便快捷。
一口鹿兒島黑毛和牛鐵板燒定食 （$118／一人前）
每份共有10件和牛粒，份量剛剛好。
和牛雪花分佈均勻，切成厚方塊粒食落更有口感。另可伴著秋葵、鮮冬菇和京蔥一齊食，中和肉的油膩感。
和牛燒到香噴噴，如果牛味濃一點會更好。
想食的朋友要留意，這款和牛鐵板燒只限晚市6pm後供應。
激芝咖喱吉列海老巨塔 （$78／午市；$88／晚市）
丼飯加了由水牛芝士、巴馬臣芝士及車打芝士調成的芝士醬，味道香濃。
吉列炸大約有4吋半長，共有4條。
大蝦炸得脆卜卜，但略嫌肉質唔夠彈牙。
日本直送咖喱汁加入大量紅蘿蔔、薯仔和洋蔥等蔬菜熬製而成，味道較濃，帶甜味。
雙重芝士拉絲燒豚丼 （$58／午；$68／晚市）
嚴選2:8黃金肥瘦比例的荷蘭穀飼豚肉，色澤油潤，咬落油香併發，豬味濃郁。
豚肉外層焦香，有咬口，配上半融的芝士令味道更豐富。
爆蔥溫泉玉子丼配西京漬鯖魚 （$58／午市 ；$68／晚市）
蔥花鋪到快要滿瀉，超澎湃！
爆蔥丼跟65度低温慢煮的流心溫泉蛋好夾，拌勻來食好香口，口感更滑，感覺清爽，小編推介！
西京漬鯖魚啖啖油香，肉質嫩滑，不過味道偏鹹，跟爆蔥丼一齊食正好可平衡兩者的味道。
廿一蒲燒鰻魚丼 （$88／午餐；$98／晚餐，可另加$10配蟹籽沙律／泡菜／65度溫泉蛋）
每份有半條鰻魚，秘製方法令鰻魚更軟腍入味，魚肉相當厚身。
廿一燒安格斯牛柳粒丼 （$68／午餐 ；$78／晚餐）
牛柳粒先煎煮後再燒，香口之餘仲保留到肉汁。
廿一燒鳥丼 （$48／午餐 ；$58／晚餐）
肉類丼飯中算較為清淡，雞肉嫩滑。
廿一咖喱搪揚雞丼 （$58／午餐 ；$68／晚餐）
海女三色丼 （$78／午餐 ；$88／晚餐）
丼飯有日本松葉蟹肉、三文魚和飛魚籽，入口脆卜卜，口感豐富。
松葉蟹肉味道不太突出，拌勻前可以先試味。
日式咖喱漢堡扒溫泉玉子定食 （$68／午餐 ；$78／晚餐）
漢堡扒望落細細塊，但其實有3cm厚，食肉獸都滿足到~
丼飯均附有玄米茶和麵豉湯，亦可加錢配特飲。
綠茶紅豆冰 （+$12）
巨峰椰果梳打特飲 （+$8）
將軍澳區的朋友以後開餐又多個新選擇啦～
廿一堂
地址：將軍澳唐賢街19號天晉匯二期地下G08號
營業時間：星期一至日 8am - 10pm
電話：2787 9982