苑瓊丹（苑仔）早前獲封公主名銜，近日又有新身分，獲「香港女科學家協會」副會長名銜，出席會展舉行的開幕暨就職典禮。苑仔說：「由細到大都冇諗過自己同科學家沾上關係，由『師傅』帶我接觸科學，發現呢啲嘢唔係高高在上，唔係遙不可及！接觸科學之後令自己大開眼界，想透過科學健康咁『活多幾年』。 」
苑仔榮升副會長，9月11日是她的61歲生日又是結婚周年紀念，三喜臨門但她忙到沒有慶祝，趁最近返港跟老公補慶祝。她說：「幾十歲唔使慶祝，最緊要家和萬事興、身體健康！我都唔知結婚二十周年，真係快樂不知時日過，證明我婚姻生活係美滿。」她忙做生意與直播捱壞身體，她休息時間通經絡，手臂有明顯瘀痕，笑說:「千祈唔好誤會，老公沒有家暴我！」
廣告（請繼續閱讀本文）
開幕禮當日好友林子聰到賀，透露有新搞作：「早前香港腐乳的報道令到人好失望，香港人好似冇咗手信，我們正努力不懈搞研究，令腐乳無菌，要善用科學改善生活。」他表示會跟苑仔合作搞研究：「其實所有科學都係由發夢開始，只有創新先係科技，同我哋拍戲一樣。」
（即時娛樂）