廣告(請繼續閱讀本文)
葛民輝(阿葛)、邵美君、梁祖堯和何洛瑤(Sica)等,昨晚(9日)於演藝學院演出舞台劇《Di-Dar》尾場,特地安排Encore環節跳唱《死氣洋洋》及《火熱動感LaLaLa》答謝觀眾支持,在劇中演校長一角的阿葛情緒高漲,於台上表演側手翻,影大合照時更跳落台和觀眾近距離接觸。
阿葛表示第2次做舞台劇,因導演、監製及演員比他更喪,如再有機會如風車草般愛惜他的劇團合作,他亦有興趣再出演。對於跳唱還多過軟硬開騷,他笑言:「側手翻有練過,因為中間唞得多,不過呢度都對我好好,知道我疊住做拉闊,安排我做校長,好似半司儀咁唔使咁大壓力。」
廣告(請繼續閱讀本文)
他表示今次和邵美君合作十分抵玩,他說:「因我有面盲,日日都當她新面孔,上次合作《填詞L》做我太太,仲以為呢個阿嬸係茶水,今次梗係得啦,睇我喺校長室幾狂野就知。」
何洛瑤(Sica)直言頭場及尾場都忍不住爆喊,她說:「今次算真正第一次,上次只演過喪屍冇對白,好唔捨得,做得好開心,好享受,覺得好滿足,如可以好想和大家重演。」Sica直言因忙於演出,沒有看媽媽洪淑燕有份參演的《美麗40路》,她說:「不過我有睇精華,同屋企一樣冇分別,喺屋企睇Live做咩要隔住個mon睇?」
她表示早知媽媽20強不入,只是一直扮不知,她說:「其實媽媽好好,話想了解我工作先參加,被淘汰後回家第一句係以為做明星好開心,原來咁辛苦,啲飯好難食,可能經歷完做幕前不簡單,所以特別憐憫我,經常煲湯畀我飲。」
廣告(請繼續閱讀本文)
她強調沒有家庭破裂,問媽媽可會入行?她說:「佢話唔做呢行,做返正職算,但睇定啲,我和媽媽一樣比較跳脫,都係是今天的我打倒昨天的我嗰類人。」
(即時娛樂)