YouTube頻道微辣前經理人兼KOL阿晶（Jane）7月在家中輕生離世，她生前曾在社交平台自白受抑鬱症困擾，還有曾為舊愛加蔥（林茂發）墮胎及被昔日頻道同事欺凌等，事後微辣解散，一眾成員雖各自發展，仍遭網民圍剿，老闆六毫子（陸志豪）潛水多時昨日（29日）在IG撰長文首度公開回應事件，不止遭網民質疑試水點復出，阿晶媽媽以親手信反擊，直斥六毫子曾恐嚇阿晶，又稱：「我以後死咗我都想搵你哋報仇。」
六毫子昨日以「十年以來，我希望為大家帶來快樂而不是仇恨」為題撰文回應事件，又公開多張與阿晶的對話，他稱悲劇發生後非常難過，解釋最初因為擔心說多錯多而保持低調，並提出三點困擾他及微辣團隊的不實指控。六毫子稱團隊不曾欺凌任何人，指在得知阿晶患情緒病後一直關心對方並提供協助，強調從來沒有違反阿晶的意願，脅迫對方簽署任何東西，堅稱網上流傳的指控全屬捏造，他亦未曾用假帳號詆毀阿晶，或透過黑社會分子恐嚇任何人，六毫子最後表示會為相信他的每一位辣粉重新振作、努力改革。
不止網民不收貨，留言主要都是炮轟六毫子太遲回應及鋪路復出，阿晶的媽媽亦隨即公開手寫信，直斥六毫子沒有還阿晶清白，又鬧六毫子稱與阿晶是朋友，但阿晶爸爸離世時，他與加蔥都未送花牌，她在信中指：「公司同事挑起杯葛阿晶，你有無出來解釋！是你害死阿晶禍手。」阿晶媽媽另外亦鬧爆阿晶前度加蔥，透露自己在加蔥受傷時曾多次煲湯，對方卻未曾道謝，連基本禮貌也沒有，又揭陪女兒阿晶墮胎時加蔥不見人影：「林茂發你話你是不婚主義者，當阿晶有咗你就唔想結婚，逼阿晶落子，連做手術都唔陪佢去，我晶媽陪佢去拱北醫院落仔，你知我幾憎你X街。（你依家同張詠儀是冥婚）」晶媽怒指：「阿晶有病是落子蔥害佢，你六毫子同林茂發都是兇手。」
晶媽最後在信中表示一年半失去兩個最親的家人，現時一直睇精神科：「我都有抑鬱症。我知自己不會生存好耐，我以後死咗我想找你哋報仇。你們還年青，好好反思，我養大個女到大學畢業要多少時間同金錢同心血，人在做，天在看！」晶媽亦公開睇精神病科門診的紀錄，兼再留言：「陸志豪你尋日出去咁樣講啊一句都無返阿晶清白啊！你係對我第二次個傷害啊你知唔知針唔吉到肉系唔知痛啊！如果你以後啲仔女係咁逼死咁樣你會感受如何！做人啦唔可以咁自私呀錯咗就要形要同人道歉！」
