馬國明在今晚《萬千星輝頒獎典禮2023》上失落「最佳男主角」，只奪得「馬來西亞最喜愛TVB男主角」。他受訪時稱沒有失望︰「我騷前一直估係陳豪得獎，我今晚幾乎所有獎都估中晒，好開心﹗林子善攞獎，我都好開心﹗台慶嘅時候，陳豪抽獎分咗啲幸運畀我，所以我都想佢攞獎。」
談到太太湯洛雯在台上得知他失落視帝獎時似露出失望表情，馬國明說︰「唔緊要啦﹗我又唔覺，我哋前兩晚傾偈時，我都同佢講係估陳豪攞獎。我同佢台上台下互動，大家喺度派緊心心，因為我哋全日冇見面，好掛住。」
廣告（請繼續閱讀本文）
馬國明自言很旺︰「從來冇諗過可以贏陳山聰拎最佳衣著獎，攞到呢個獎太太都有功勞，因為佢有份幫我揀呢套衫。我出道以來未試過一年內有3套最高收視劇，自己都有份，覺得好幸運，可以遇到3個好好嘅團隊，我冇估到自己會攞獎。（太太旺夫？）一定係，一定係同佢有關﹗（來年點樣催運？會唔會生龍B？ ）盡力而為，我哋冇乜所謂，冇壓力，隨緣。點樣慶祝？我會同太太食餐飯，《新聞女王》、《隱形戰隊》都會慶祝，應該會有幾次慶祝飯局。（帶太太出席？）我要問吓佢先，佢都好忙。」
（即時娛樂）
David Lai 以佢新聞女王嘅表現確不突出，或許啊佘太搶眼！
01月15日02:39
→狝～象形黃畜冚家大劣🐔又寫甲骨文 咁都有衣著獎？
01月15日01:03
Candy 馬國明攞唔到視帝都好正常，佢演技一向只可以講合格，唔算太突出。
01月15日10:25
顯示全部