MC張天賦今日（3月12日）推出第三張個人大碟《TREBLE》，早前忙於拍攝電影的MC堅持一年一碟紀錄，他解釋新碟慨念說：「新碟《TREBLE》多數都喺圍繞一些我會形容為顏色比較沉重嘅主題或歌曲出發，因為籌備新碟時期以為自己失聲、不能再唱歌嘅時候，心情受好大影響繼而選擇的曲風都比較沉重。」
廣告（請繼續閱讀本文）
設計師特地為了這張專輯，按MC的面型設計了專屬面具，而這款面具除了在專輯造型中亮相外，更成為每張專輯封面的一部分。MC說：「造型方面喺公司嘅功勞，因為當初我話呢隻碟喺陰暗啲、沉色啲嘅方向架啦，於是佢哋就用咗『面具』去表達唔同人唔同嘅情緒。而家呢個造型係我都幾鐘意，因為好少可會畫到咁深嘅眼影同個嘴唇咁黑，但係，嗰幾條頭髮喺非常拮眼，哈哈」
MC表示，今年的目標和往年一樣：「今年嘅目標亦都係年年嘅目標，就係減肥同操肌！！我好希望今年如果有演唱會嘅話，我好希望自己有得揀除唔除衫，除就未必一定會除晒，但起碼有得揀先。依家都Keep住去做Gym兩三個星期了。」
廣告（請繼續閱讀本文）
MC暫時會專注於歌手及演員這兩個範疇：「音樂方面我開始咗第一首完全係自己作曲嘅歌曲，其實係有幾首。」去年MC首個紅館演唱會《This is MC》伸延至澳門最後回歸初心之地（文化中心），MC表示：「去邊度開演唱會其實真係冇乜所謂，但係私心係想去加拿大開演唱會，因為自己畢竟喺嗰度讀書，如果可以係嗰邊開演唱會會好開心。」
廣告（請繼續閱讀本文）