【早熟】18歲意外懷孕 年輕港媽後悔生B 「覺得自己嘅人生已經完咗」

世上沒有後悔藥，人生充滿了各種遺憾。一名年輕港媽在網上吐苦水，指很後悔18歲時意外懷孕，並且決定把BB生下來。日子一天一天地過，她對BB愈來愈厭煩，短短兩年，她覺得「自己嘅人生已經完咗，完全冇咗自己」。網民留言鼓勵她，待BB大一點，可跟家人商量由他們幫手照顧，媽媽重回校園，找回失去的人生。

Photo from 《孩子別哭》劇照

考DSE前月經遲遲沒來

事主在討論區Dcard發帖，現年大約20歲的她，坦言：「18歲嘅時候做咗人生最後悔嘅決定」。當時她是一個中六學生，與男朋友拍拖5年，早嘗禁果。DSE（中學文憑考試）來臨前，她發現月經遲遲沒來，心中不安，於是「驚到即刻去買驗孕棒發現真係有咗」。

Photo from 《想見你》劇照

獲家人體諒和支持

當時她與男友感情穩定，告訴他懷孕後，二人再跟雙方屋企人傾談，最後決定把BB生下來，事主說：「因為唔想殺咗個生命。」她和男友考完DSE後，雙雙不再讀書，迎接寶寶來臨，「一齊好努力咁養大個B，一開始都算順利，我哋雙方屋企人都算好支持我哋。」

Photo from 《早熟》劇照

後悔把BB生下來

花樣年華的女孩子，本來應該繼續學業，閒時約朋友去玩、旅行、拍拖，但事主卻每日面對餵奶、換片、湊寶寶，覺得「人生喺嗰一刻開始被困住咗喺18歲嗰年」。她說：「一日一日過去，我對個B越嚟越厭煩，個B而家出咗世兩年，我覺得自己嘅人生已經完咗，完全冇咗自己，當初就唔應該因為想做個負責任嘅人生佢出嚟！」

Photo from 《孩子別哭》劇照

現在後悔已經太遲

對於事主的處境，網民表示同情，「辛苦妳了，呢條路真係好唔容易」、「既然男朋友又無走，兩邊屋企人又咁支持，咁就見步行步啦。 當然一定係無身邊啲人咁自由同輕鬆，但係一定會有辦法做到想做嘅嘢。加油！」、「理性咁講，你做咗既決定就係做咗，而家既一切都係consequence，你可以做既就只有喺既定現實之下，再做啲決定去改變將來」。

另有人表示後悔都無用，「人生冇太多事比自己後悔，珍惜當下，做你想做嘅嘢，唔好再俾自己後悔」、「傻豬，冇錢又冇心養b絕對係殘忍過殺咗一個無感覺既胚胎，要負責任就要拒絕不安全性行為」、「你錯唔係錯喺生咗佢出嚟，所以唔好怪個BB，佢可能都唔想你生佢出嚟，怪就怪自己當初冇做好避孕措施！」。

Photo from 《BB來了》劇照

建議正視煩厭的原因

有人建議，待BB大一點，跟家人商量一下，由他們照顧寶寶，爸爸媽媽回去讀書，「其實你哋雙方父母都支持嘅話，你哋兩個不如開始讀翻書？而家父母兩個都中學畢業，會比較難高人工賺錢養小朋友，除非你哋都願意地盤/飲食/sales」、「養大小朋友係好辛苦，比自己抖下諗下第日想讀書定做嘢」。

另一方面，現時BB只有兩歲便覺得厭煩，遲下寶寶再長大，有自己的思想，會反抗，又要讀書考試，到時煩上加煩，建議事主正視自己討厭甚麼，「你厭煩小朋友係咩原因，會唔會係產後抑鬱？點都好，小朋友喺初生階段所受既對待係可以影響佢一世，希望你哋屋企會俾到足夠既愛佢」。

Text : Mami Editorial

Source : Dcard

閱讀完文章，記得追蹤 MamiDaily親子日常 以下平台，隨時接收最新育兒教育資訊 ！

【Follow MamiDaily親子日常 IG】

【Like MamiDaily親子日常 FB】