呂爵安大意洩露新歌名　自稱On_仔反被讚聰明宣傳手法

MIRROR成員呂爵安(Edan)昨晚在IG限時動態預告出新歌，本身只想透露一句歌詞，但不小心竟然透露了新歌歌名，名為〈油麻地莎士比亞〉。畫面中看到作曲打了3個問號，監製則是Edward Chan：「劇透咗個歌名添……算啦﹗Del嚟都冇用了。」

之後他自稱是「On_仔」：「懷疑人生中。」之後更出帖文反省：「一世英名盡毁。點解我會咁on_，我決定用呢個post去提醒自己唔好再犯同樣嘅錯，同埋既然都劇透咗個歌名，唉，唔爭在俾多少少你啦🫠(rough cut嚟not final) #係啊我係油麻地莎士比亞 #被逼差唔多成個月前就宣傳新歌 #咩玩法 #埋藏在陰影下的歌名 #真係唔會留意到呢 #一出完個story #見到有人DM我油麻地莎士比亞 #我真係嚇到爭啲標尿 #點解我咁聰明 #史上最強劇透 #史上最7劇透」之後岑珈其就回覆：「好聰明嘅宣傳手法👍🏼叻仔。」阮小儀亦有留言：「7 is you😂😂大家慣㗎喇。」