自古婆媳同住難，婚後婆媳同住向來是引發家庭紛爭的主要原因之一，因此有能力的年輕人都會買樓搬出去住，免得和父母日對夜對，相看兩生厭。日前有港男就打算買樓上車，為結婚鋪路，點知同住媽媽知道後深受打擊，講出真心話：「以為婚後都會同我住！」這讓港男相當為難，不知如何取得平衡。
Photo from 《香港愛情故事》劇照
港男見樓價跌心動買樓 點知阿媽深受打擊
樓主日前於「香港討論區」發帖，透露「諗買樓自己搬出黎住，阿媽好大反應」，讓他深感困擾。過去一年，香港樓市表現低迷，樓價下跌，讓更多打工一族看到了買樓「上車」的機會，這也包括樓主在內。
「撤辣唔駛再比印花稅加上樓市跌價的確令我有D心動，不如買層樓結婚後可能搬出黎住，第時結婚都有層樓揸住。」
Photo from 《2049》劇照
未來老婆拒絕婆媳同住
除了想要擁有自己的物業，樓主買樓還有另一個原因，那就是其穩定交往的女朋友曾明確拒絕婚後婆媳同住，樓主知道婆媳「相處好同住難」，加上他不願意做「夾心人」夾在兩個女人中間，於是答應了女朋友的要求。直到最近，樓主就和同住母親提起此事，不料母親聽後相當失落，對兒子講出真心話：「佢話從來冇諗住我會搬走⋯⋯佢已經諗住就算我第時結婚都會同我一齊住。」
親情和愛情面連抉擇，讓樓主進退兩難，只好尋求網民見解，「估唔到我呀媽係想同我住，呢樣我真係唔知點好，我又唔想太傷佢心，可以點做好？」
Photo from 《BB來了》劇照
網民支持港男買樓
幾乎是不少港男都會面對的問題引起網民討論，網民普遍支持樓主日後結婚搬出去住，而父母亦要學會放手，「做老人家都要思想開明，怎能希望第時有老婆都幾代人一間屋，除非係村屋幾層啦，同得阿媽住都係冇本事買或租先唔搬出去」、「結婚生仔跟本唔夠地方住，搬出黎住係遲早嘅事」、「太太是陪着你終老的人，將來你老到不能自理，她也就是照顧你的那個人。因此，只能選太太」。
有網民則建議樓主可買老家附近的樓盤，方便探望媽媽，「買近呀媽住附近大家有各自生活又好照顧，我就買老媽同一屋苑唔同座真係好好多架」、「買番附近屋苑有無得諗？住得近方便照顧，又令佢唔會覺得孤零零」、「自古以黎奶奶同新抱無論平時關係幾好都好，一齊住點都有問題，呢個係千年不變嘅定律，你唯一可以做嘅就係唔好住太遠，同埋多D返屋企食飯」。
Photo from 《大叔的愛》劇照
延伸閱讀：
【催婚】大齡適婚男性冇人要？ 政府著急 籲媒人出手搶救 成功撮合獲派4位數
延伸閱讀：
【衛生習慣】婚後同住先知老公陋習 奶茶杯放三日不扔 聰明人妻靠一招解決 獲讚馭夫有術！
Text：Mami Editorial
Source：香港討論區