古巨基程人富神還原 22年前MV　「Low筆」摷當年戲服仍啱著

古巨基與程人富及海兒（Hedy）早前合作拍攝旅遊節目，近日3人再玩「神還原」MV，重新拍攝22年前古巨基的經典MV《任天堂流淚》，不少網民看完都大讚製作認真兼笑爆嘴。

當年的《任天堂流淚》，改了歌詞，變成《任K房流淚》。MV中，程人富飾演古巨基，還Gel 起當年的基仔的髮型，而海兒則飾演當年MV女主角李彩華。古sir 還在MV中穿插互動，為粉絲帶來驚喜。

基仔笑指今次MV賣點是「low筆」製作，「我哋其實好多budget，但係我哋想用一個low cost嘅方法去呈現。」雖然低成本製作，但當中的細節位誠意十足，程人富在MV中的服裝，是由「服裝部同事」基仔提供，「佢身上嘅幾套衫，真係廿幾年前拍《任天堂流淚》MV裏面我着嘅衫嚟嘅，我摷返佢哋出嚟，收藏咗咁耐，原來都冇穿冇爛。」

古巨基稱，他還能穿得下那幾套衫：「我頭先都着過一件，都啱身，肥瘦冇乜變，哈哈。所以呢個珍藏，再復刻番喺呢個MV，程人富成個人似晒呀。」

有網民看完MV後，大讚古sir保養得宜，問他食甚麼防腐劑，基仔笑說：「盡量唔瞓覺、食麻辣鍋、燒烤，啤酒一定要啤㗎啦、紅酒啦、威士忌都飲少少，全部加埋就一定可以防腐。」

至於首次演戲的海兒指這次拍攝非常好玩，還在古sir 帖文留言：「呢個MV通宵拍咗15個鐘，因為用咗14個鐘笑😂」