陳欣茵被指於美甲店發惡　自認X頭：唔夠膽喺街發癲

現年28歲的前TVB藝人陳欣茵，於2017年曾演出YouTube頻道FH Production「熊仔頭」的短片，其後獲TVB邀請成為《後生仔傾吓偈》主持之一，其後更成為《學是學非》的末代是非精，2023年離開TVB轉型做KOL專心經營網絡平台。現正播放的劇集《痞子無間道》是她告別TVB之作。

陳欣茵昨日（3月5日）在社交平台轉載一張留言截圖，有網民在某段陳欣茵的報道下留言：「有次修甲見到佢，佢等咗一陣然後勁惡罵人哋美甲店。我嚇親望咗望，然後成程整甲佢狂啤我。好驚，真人幾肥」。陳欣茵在該留言下回應：「想澄清番我等咗45分鐘，所以都好有禮貌地問店員點解要等咁耐，先發現原來有人book咗時間每次都遲到至少一個鐘先到..小姐，希望你以後gel甲準時少少，唔好搞到後面啲客人時間亂哂（晒）！仲有唔好上網生安白造，因為我都見過你個樣㗎，你係咁望住我先會係咁望住你~謝謝」。

之後陳欣茵轉載這張留言截圖，並寫道：「呢個世界真係有啲人鍾意生安白造，重點係我仲認得佢個樣，點解？除左（咗）因為整容整得幾誇張之外，我認人真係好勁……佢係咁望住我隔幾秒又望一次，好難唔認得。攞啲時間去做啲有意義嘅嘢好過中傷人啦好冇？積下口德　乖」。

陳欣茵之後再分享一張與另一網民的私訊截圖，陳欣茵向該網民表示：「我做得公眾人物，啲人會認得我點會鬧人，博上報咩」、「同埋我唔會鬧人囉，喺條街度完全唔敢惡」、「鵪鶉嚟」，而該網民則附和：「我都覺得你係受委屈個d黎，息事寧人d fd」，陳欣茵回應：「係，諗吓我等咗45分鐘仲等緊，就知道我X頭嚟」。陳欣茵在截圖上寫道：「如果可以喺條街度發癲，其實……我都唔夠膽。諗起我成日比（俾）的士司機兜路，跟住照俾錢落咗車嬲自己嬲到喊」。