英國天團Coldplay一連四場香港演唱會，昨晚（12日）在啟德體育園主場館迎來尾場。原來這次香港之行，Coldplay除了唱足4晚，他們更熱衷想認識香港的音樂人，想跟香港新一代音樂人交流，於是透過華納唱片國際部，邀約一群年輕音樂人聚會，不但聽各人的新人Demo，還交流意見，作為一隊國際搖滾班霸，願意跟本地年輕音樂人交流，實屬難能可貴。
據知，今次密會歷時3小時，有份出席的包括Billy Choi、張蔓姿、Lewsz、Luna is a bep、王嘉儀、陳嘉、Eddy康聰、Anna hisbbuR、張天穎等等。事後Billy Choi在社交平台分享這次奇妙的經歷。他表示得知可以同Coldplay主音Chris Martin見面，深感榮幸，得知還可以帶一首作品跟他分享時，自己都猶豫應該揀哪一首，最後就選了新作〈成就解鎖〉。
廣告（請繼續閱讀本文）
雖然該作品為廣東歌，Chris Martin不會聽得明，但試聽後就大表欣賞，並主動提議一起拍一段Reels給他宣傳新歌。事後Biily在IG分享這次經歷︰「成首歌都係廣東話，歌詞內容佢應該聽唔明， 相信係melody同編曲令佢感受到呢首歌嘅熱血… (如果有機會我都想翻譯俾佢知歌詞嘅意思)。坐低傾偈嘅時候，我膽粗粗分享，覺得自己嘅音樂風格喺香港唔太入流。佢鼓勵我 『唔一樣』其實係一種優勢。我反思，無論我嘅聲線定風格，都係我嘅獨特之處， 亦因為獨特 先有人記得我，夾硬迎合市場嘅口味，到最後可能會失去自我，越做越迷惘…。」
廣告（請繼續閱讀本文）
隨後Billy回覆傳媒，表示被Chris Martin的誠意深深感動，他當晚既要開Show，亦要綵排，本身已經很累，但都寧願放棄休息時間，爭取跟香港音樂人見面，鼓勵大家又予以交流，非常難忘。
