1.一向鍾意家醜得出外揚嘅吳若希 ，沉寂一輪後近排又網上公審老公Alex。Jinny不滿老公忽然好積極車女同事返工，仲cap埋圖力證，「你趷起條尾，都已經知你會做咩㗎！」
2. Jinny完全冇畀面老公，公開二人對話，「好X Sweet呀！」Alex就解釋真係做緊嘢，只係要對方簽MPF，仲坦白自己曾係「垃圾」，「我之前幾年做垃圾做唔到嘢又鬧，而家做正經嘢都鬧。」
3. Jinny鬧爆Alex一向都如食生菜，由結婚初期已公審Alex經常出街應酬、唔返屋企、及掛住打機等等，網民都食開呢隻牌子花生。不過今次topic升級至婚內偷食，當然引爆網民輿論！
4. 有網民力撐Jinny做得啱，但更多係話佢極品級難頂，成日公審老公都係搏上位，「你老公肯娶你，已經係人類史上最偉大嘅事」、「等睇幾時離婚…」。
5. Jinny曾經喺節目《香港婚後事 》提到自己不時網上「公審」老公，「好多人覺得家醜不可外揚，但我唔係，唔啱嘅嘢我講咗好多次，而你都係唔聽嘅時候，我教唔到，咁就由出面嘅人教你。」
6.有網民就諗起另被指一極品嘅歐倩怡 ，有指是由她主動向郭晉安 提出離婚。早前她受訪數臭前夫郭晉安冷待自己，話曾病至面臨瀕死失禁時，郭晉安都冇叫救護車，而醒返後發現自己個頭塞喺痰罐！
7.安仔其後直接否認此事，「唔係真嘅嘢，我唔想再講。唯一真嘅係我房唔會有痰罐，因為係套房。」
8.吳若希落老公面但婚姻維持，歐倩怡唔出聲十幾年、一出聲就引爆離婚。咁究竟娶歐倩怡做老婆大鑊啲，定娶吳若希做老婆大鑊啲？
9.一隻巴掌拍不響，婚姻存在各式各樣的問題需要恰當地解決。有網民就突破盲腸，認為娶左張致恆老婆雯雯 先係最大鑊！」咁情況，真係自己一個最開心喇Baby~
▼Follow 娛頭
Facebook: https://www.facebook.com/profile.php?id=61554772610166