玻璃朱不滿鄭秀文冇請TVB歌手做嘉賓　「帶著信仰大愛一點可以嗎？」

鄭秀文正在舉行紅館演唱會，暫時出現過嘉賓有Serrini、林家謙、張敬軒、陳凱詠、YT周殷廷、鄧麗欣、COLLAR及謝雅兒。一向政見非常鮮明的「玻璃朱」朱庭萱（Bonnie），今日（7月22日）在社交平台出帖文，直斥Sammi演唱會嘉賓的名單，沒有邀請《聲夢傳奇》的歌手。

朱庭萱的帖文寫道：「一路睇Sammi演唱會嘅嘉賓，點解全部都係會上ViuTv嘅歌手？如果作為前輩提攜新人，佢又唔請下「聲夢」班人？或一個愛國愛港藝人？佢而家更接近完全脫離內地市場㖭，意向都好明顯下。帶著信仰大愛一點可以嗎？」

朱庭萱在自己的帖文寫下多個留言：「你睇中年好聲音都接納啲黃人參賽，你睇吓ViuTV會唔會哪？」、「無啦啦又引咗一堆「甲由」過嚟，成日喺度扮道德高地，自己先至係最歧視和打壓別人政見嘅人。可笑。自由民主，最不懂互相尊重就係佢哋。」、「其實大家都唔應該分顏色，我自己都有黃嘅朋友，亦有黃嘅偶像。但只要佢哋唔抗拒我哋，大家咪move on囉。可惜我睇到嘅，一啲場合因為某些藍人身份仍然被拒邀請，所謂那些黃人仍然打壓我哋。話我哋分顏色？最分得清係佢哋先真。」、「你班黃人唔使入嚟人身攻擊啦，我都費事回應你哋，我喺自己個page講嘢有我嘅言論自由，你唔鍾意睇咪唔好入嚟睇囉。所以block咗唔好問點解。」