張繼聰演唱會細囡獻聲搶風頭 MIRROR台下跳舞助興

張繼聰昨晚（1日）於麥花臣舉行《Welcome to route 37》演唱會，雖然早前不幸確診新冠肺炎，但無阻觀眾的熱情全場爆滿。下午時分，阿聰的子女更陪爸爸拜神，希望個唱順利。

現場展出多部張繼聰珍藏電單車，而舞台都充滿「復古」味，觀眾入場時都不忘打卡留念。昨晚到場嘉賓勁多，包括：Jer@MIRROR、 Edan@MIRROR、 Stanley@MIRROR、王丹妮、白只、泰迪羅賓、森美、林明禎、方力申、周勵淇、Bob林盛斌 、釗峰、周秀娜、袁澧林、唐詩詠、鄧月平、鄭融和Gareth Tong等人。開場時全場觀眾尖叫，阿聰一身牛仔look亮相，唱出Beatles金曲《Get Back》、《半江紅》和《超新星》等歌曲，令現場血脈沸騰！

其後，張繼聰模仿昔日「唱K」情節相當搞笑，唱出多首金曲，包括《OH！夜》、《非走不可》等等，當阿聰女兒Karina成為個唱特別嘉賓，獻唱《Somewhere Out There》，太太謝安琪及兒子張瞻舉起燈牌，為妹妹打氣。張繼聰演唱一連串快歌，將氣氛推到高潮，Kay和MIRROR四子亦跳舞助興。

完騷後，阿聰表示滿意今晚演出，亦透露明年或開Part 2：「因為啲老闆都講，話下次搵個大啲嘅場再搞，我呢刻都係鍾情電影嘅。我有歌癮，但唔等於可以開到騷，因為擔心有冇人買飛支持自己。」

提到囡囡上台淡定演出，阿聰笑言好欣慰，並指當時百感交集：「我又怕佢會緊張，又覺得佢咁大個可以上台唱歌，真係好開心。」