張寶兒任聲夢造型挨轟 「放過佢哋交畀專業嘅人」

張寶兒（Bowie）同袁偉豪結婚之後，未有放棄幕前工作之餘仲愈來愈搏，去年踩埋隻腳入造型界首次為《聲夢傳奇》學員演唱會擔任造型師，又不惜出動私伙衫及自墊六位數，可惜反應麻麻。日前Bowie又再出手為聲夢學員出席國慶文藝晚會準備服裝，更在內地平台小紅書出片展示自己當晚的「作品」，點知惹來網民一面倒負評。

Bowie在短短30秒的影片入面集合曬炎明熹（Gigi）、姚焯菲（Chantel）、鍾柔美（Yumi）和詹天文（Windy）及其他聲夢學員的服裝造型，見到所有服裝主要以黑、白、銀及閃石為主，偏成熟路線，但網民看完後批評她幫年輕的學員們打扮得太老成，表示「拜託給她們符合自己年紀的衣服」、「全部人老咗十歲」、「專業和業餘造型師的區別」，更有人叫Bowie放過一班學員，交給專業人士處理。不過亦有人讚Bowie已比之前進步不少，叫她繼續努力。