張寶兒(Bowie)同袁偉豪結婚之後,未有放棄幕前工作之餘仲愈來愈搏,去年踩埋隻腳入造型界首次為《聲夢傳奇》學員演唱會擔任造型師,又不惜出動私伙衫及自墊六位數,可惜反應麻麻。日前Bowie又再出手為聲夢學員出席國慶文藝晚會準備服裝,更在內地平台小紅書出片展示自己當晚的「作品」,點知惹來網民一面倒負評。
廣告(請繼續閱讀本文)
廣告(請繼續閱讀本文)
Bowie在短短30秒的影片入面集合曬炎明熹(Gigi)、姚焯菲(Chantel)、鍾柔美(Yumi)和詹天文(Windy)及其他聲夢學員的服裝造型,見到所有服裝主要以黑、白、銀及閃石為主,偏成熟路線,但網民看完後批評她幫年輕的學員們打扮得太老成,表示「拜託給她們符合自己年紀的衣服」、「全部人老咗十歲」、「專業和業餘造型師的區別」,更有人叫Bowie放過一班學員,交給專業人士處理。不過亦有人讚Bowie已比之前進步不少,叫她繼續努力。
廣告(請繼續閱讀本文)
end 屋企多衫唔代表識襯衫,唔代表有品味,只係代表你有錢買好多衫
2022年10月06日06:42
ジョです!元気の? 家底佢有 ,但係天份呢啲嘢就唔係個個都有
2022年10月06日06:21
Yuki 終於有眼人睇到事實,次次比佢幫聲夢做造型都係衣不稱身,核突到嘔,最慘一班盲粉仲話靚到天仙甘?唔該啦,你地甘講其實就等於話Gigi就係老派樣,大佬呀人地得17歲炸,唔好搞到人地成個大媽甘,真心靠害,甘鍾意搞搞自己啦搞佢老公啦,唔好再搞Gigi同埋聲夢一班青春學員,唔該🙏🏻🙏🏻🙏🏻🙏🏻🙏🏻
2022年10月06日05:32
hermia 揾佢做平好多 🤭
2022年10月06日05:26
有陣時有啲嘢,唔係話你想做、你願意做就做到,係要講適唔適合。。。
2022年10月06日06:36
顯示全部