廣告（請繼續閱讀本文）
陳穎欣（Yanny）自從SuperGirls拆夥後，作多方面不同嘗試，近日她跟廚師陳家豪（Arthur）為香港開電視主持的飲食節目《食過FIND尋味》，節目將在下星期一播出，一連10集一同品嚐「招牌菜」，鑽研廚藝。今次是Yanny首度擔任飲食節目主持，她亦會在節目中大展廚藝，即場炮製甜品泰式香蕉煎餅，表現有板有眼。
廣告（請繼續閱讀本文）
自認饞嘴的Yanny透露一直期待主持飲食或烹飪節目，但拍完今次節目後，為此負上沉重代價：「初初我係好期待今次節目，因為我好鍾意食嘢，但原來拍呢類節目好辛苦，每次拍完都會試食，拍攝一日就要食好多嘢，飽到嘔，亦都肥咗好多，雖然我冇刻意去磅，但塊面圓咗好多，完成節目拍攝後，我要食清啲減肥。」
Yanny表示向來喜歡下廚，不時會煮家常便飯給男友品嚐，男友對她的廚藝亦很滿意，她謂：「我無論工作幾忙都會落廚，反而覺得出街食飯太普通，自己煮係好味啲，我都成日煮意粉、西餐、四餸一湯畀男友食，佢好鍾意食我煮嘅嘢。」Yanny計劃何時跟男友拉埋天窗？Yanny大方指不排除會「閃婚」，她表示：「我同男友都好穩定，但依家工作好忙，連瞓覺都冇時間，邊有時間諗結婚，但我覺得自己係衝動型，可以好衝動咁去簽紙結婚。」
立即下載 | 全新《星島頭條》APP : https://bit.ly/3yLrgYZ
廣告（請繼續閱讀本文）