田豪祖由「被離開」到開Pop-up Store！曾志豪：當自己開MIRROR演唱會

由前DJ貴花田、王耀祖和曾志豪開設的《田豪祖3寶Channel》踏入一週年，由「被離開」廣播道開始，轉戰YouTube世界，上半年取得「YouTube十大熱門創作」的肯定。「田豪祖」最近回到線下現實世界，開設Pop-up Store，推廣自家製的3寶品牌商品，也希望可以和支持者寶粉見面。

6月是《田豪祖3寶Channel》成立一週年，Pop-up Store將於由6月25至26日於銅鑼灣京士頓街2號2樓舉行。曾志豪表示，過去一年由做網上節目，到加入推廣商品的環節《HeartSell Tuesday》，寶粉反應非常熱烈，很多時候推介的商品不到一小時已經搶購一空，寶粉也經常問幾時會有3寶自家品牌產品，多一份紀念意義，3寶就萌生開Pop-up Store銷售自家產品的想法。曾志豪笑說，「MIRROR有鏡粉，3寶有寶粉，我哋當正自己開MIRROR演唱會嘅會員專場。」

由廣播道師奶仔搖身一變，成為拍檔口中的「3寶CEO」的貴花田非常感慨：「完全冇諗過我哋會發展到可以有自己嘅Pop-up Store，仲要賣3寶的產品，有自己嘅品牌，好似發咗場夢咁樣。真係要多謝寶粉呢一年嘅支持！」

剛獲得今屆香港舞台劇最佳男主角提名的王耀祖表示，開設Pop-up Store「好似生咗個BB一樣」：「成個過程困難重重，又怕疫情反彈，又怕起唔切貨，但最難係搵到一個又四正又可以招呼寶粉嘅靚場地。」他表示，今次不只是開賣產品，而是要開fans見面會。

田豪祖3寶一週年Pop-up Store見面會：

日期：2022年6月25、26日

時間：中午12時至晚上8時

地址：銅鑼灣京士頓街2號2樓