廣告（請繼續閱讀本文）
初戀難忘初次心痛！女星Angelababy上內地真人騷時講番自己嘅初戀經歷，佢表示初戀男友係讀書時比佢大1年級嘅學長：「我初戀是我暗戀了他半年，他還比我高一年級，他每一節體育課我都會在教室裏偷看他。」不過佢話拍拖只有2個星期就被媽媽棒打鴛鴦：「好嚇人，那個時候。有可能是我自己太花癡了。」相信大家都好奇佢初戀男友個樣係點嘅呢？佢竟然話媽媽係咁形容對方：「一個大餅上有幾顆芝麻，因為他眼睛很小，然後臉上有雀斑。」雖然唔係個靚仔型男，不過佢都覺得算係一段美好嘅難忘回憶。
廣告（請繼續閱讀本文）
Baby上年同黃曉明正式宣布離婚，呢次佢錄影真人騷時，咁啱踩單車經過當年舉辦婚禮嘅場地上海會議展覽中心，佢即時同朋友講：「這是我結婚的地方」，引起網民熱議，紛紛留言：「Baby好坦然啊」、「能說出這句話說明她已經釋懷了」。而佢亦好罕有咁喺節目中曝光自己嘅BB相，睇到佢細個嗰陣眼仔碌碌，非常可愛，網民都大讚佢果然係從小靚到大呀！
東網網站 : https://on.cc/東網Facebook專頁 : https://www.facebook.com/onccnews/
