屯門嘅人氣茶室 café「茶療」聯乘人氣寵物烘焙店 wow.we.made 於深水埗開設 Pop-up！限定店連續兩星期的星期四、五營業，昨日為第一日開始，所以只剩下今天以及下星期四、五！不用大老遠去到屯門品茶，仲可以帶埋毛孩去食超可愛嘅烘焙甜品及飲品，各位奴才、主子又怎可以錯過！
茶療為主子預備嘅飲品當然以茶為主，Hojimello（$68）選用春茶嘅焙茶，味道比較幽淡，加上一顆棉花糖，燒焦後伴着焙茶更添香甜味。另有抹茶、是日精選茶以及手沖咖啡等，還有芝士 scone 等茶點。
廣告（請繼續閱讀本文）
至於由 wow we made 製作嘅毛孩美食，有熊仔、兔仔造型嘅小點，以雞肉或鴨肉，混以燕麥粉、雞蛋、無糖乳酪製成。另有香蕉 cupcake、奶醬格仔餅。
廣告（請繼續閱讀本文）
毛孩飲品有 pop-up 店獨家嘅紫薯 latte 伴着白玉丸子，每款嘅造型及色調都十分吸睛打卡，在此絕對可以主子與毛孩一齊打卡喇。
地址：深水埗大南街 208 號
時間：3 月 24 日 12pm-6pm、30 日及 31 日 12-9pm
廣告（請繼續閱讀本文）
