呢個小熊溫泉火鍋真係好得意啊！嚟自北海道嘅火鍋店「くまちゃん温泉 」，喺日本都只係得札幌同東京兩間分店，估唔到首先嚟到香港，最新進駐太古城中心Carnival！
用食物纖維及骨膠原做成嘅小熊，一人火鍋之中好似浸緊溫泉咁，六款湯底有膠原蛋白濃雞湯、擔擔麵湯、鰹魚、壽喜燒、豆乳同韓國辣泡菜湯底，再加一款為季節限定湯底。
廣告（請繼續閱讀本文）
揀好湯底，再自選肉類拼盤/$108起，想樣樣有啲推介特選雜錦盛合，有和牛、豚肉、雞肉等加野菜拼盤，配埋烏冬或飯，基本都好夠食。大食朋友當然可以額外追加肉類、海鮮。戲玉當然係開著個爐，水滾計一兩分鐘內，小熊就會融化，成個過程好療癒好過癮。
廣告（請繼續閱讀本文）
除咗火鍋，餐廳亦有一系列同樣可愛嘅小熊甜品，包括芭菲、吐司等 設多款水果口味，特別推介抺茶吐司同栗子tiramisu芭菲，全部飾以雪凍咗嘅迷你小熊啫喱，真係可愛到睇見都唔捨得食呢！
地址：香港太古城中心2樓255號舖Carnival
營業時間：11:30am – 8:30pm (最後入座)
廣告（請繼續閱讀本文）