(以下只係我既經驗/經歷之談，因為每個媽媽既體質同情況都唔同，但我都想分享出來比大家作個參考的😉)
新年快樂🧧 虎年祝大家好似老虎咁生猛🐯 最緊要身體健康💪🏻 入正題先…
我係陀緊個陣已經決定會做全人奶媽(我既意思係指埋身餵)，所以未生之前都有搵好多餵人奶既資料，亦有問定其他媽媽餵人奶既tips。到之後因為我順產唔到要開刀 (食左全餐陰公)，生完隔左3/4個鐘先抱到卡樂b，加上佢一開始無咩意慾食奶，姑娘都教過我用手揸奶的，但我揸極都揸唔到，所以係醫院個幾日都上唔到奶，要補奶粉🤦🏻♀️。
到出院返到屋企，我見卡樂b好似食極都食唔到咁，咁岩我有部泵奶機，諗住泵下睇下自己有無奶，一泵先開始有幾滴，但因為卡樂b食唔飽既關係，我都係keep住補奶粉比佢的。
因為身邊既長輩/朋友都好緊張我地，比左好多tips我，例如有人同我講 “餵人奶唔好餵太耐，每邊10分鐘就好，太耐會傷乳腺！”，我一聽到話會傷乳腺，又聽過乳腺炎係好痛，我double check都無，就直接跟住做。其實我頭3/4個星期都會谷奶，有時谷到會滴奶添，但因為我以為餵得耐會傷乳腺，所以我真係比卡樂b食10分鐘就夾硬掹返出來，之後見佢喊就再補奶粉。但係呢刻我仲未發現個問題，我只係好奇點解咁耐仲未上奶，卡樂b點解仲未可以齋食人奶飽，所以去健康院個陣我有問過人奶姑娘，姑娘估可能係我餵奶姿勢有問題，佢即場教我一個正確姿勢，叫我返屋企跟住做。
之後第5/6個星期，我都有跟住人奶姑娘咁教去餵奶的，亦都有上網睇下片去學，但卡樂b都係食唔飽，我都係要補奶粉。到第7個星期，我忽發其想，不如睇下健康院d小冊子囉！其中一本專係講母乳的，我一睇，先發現原來我之前一直做錯左，之前我可能係好多奶，分分鐘我繼續餵，係可以做到全人奶，但就因為我自己既疏忽，搞到miss左個上奶黃金期😫
到我發現左個問題之後，奶量最多個陣都只係去到90ml，之後我點追奶，都追唔到卡樂b既食量，而補奶粉既份量都愈來愈多 (因為佢都幾大食🙈)，最後因為卡樂b覺得啜極都無奶出又唔飽，慢慢抗拒唔肯食人奶，所以我既奶量都開始下跌。
係呢件事上面我只可以怪自己，怪就怪在我無做資料蒐集，亦都無即時問專業人士，而我都因為呢件事，搞到心入面有條刺🥲不過點都好，其實無論食人奶定奶粉，bb都係咁長大，都係健健康康肥肥白白，所以都無咩所謂既~
最後我想對各位想做全人奶既準媽媽講，一有唔明/困難就要即刻搵專業人士，雖然可能身邊會有好多有經驗既朋友/長輩，但始終每個人情況都唔同，有經驗既朋友/長輩個一套方法都未必會適合你，所以點都係搵專業人士穩陣。
另外，我知道健康院每次都會派小冊子比各位新手父母的，我估10個有9個拎完都唔會睇😂但我個case就活生生咁證明左，其實本小冊子係有用的，所以我真係建議大家拎左之後盡快睇，唔好好似我咁突然醒起先睇，到時錯過左d機會就後悔莫及😔
(以下只係我既經驗/經歷之談，因為每個媽媽既體質同情況都唔同，但我都想分享出來比大家作個參考的😉)
新年快樂🧧 虎年祝大家好似老虎咁生猛🐯 最緊要身體健康💪🏻 入正題先…
我係陀緊個陣已經決定會做全人奶媽(我既意思係指埋身餵)，所以未生之前都有搵好多餵人奶既資料，亦有問定其他媽媽餵人奶既tips。到之後因為我順產唔到要開刀 (食左全餐陰公)，生完隔左3/4個鐘先抱到卡樂b，加上佢一開始無咩意慾食奶，姑娘都教過我用手揸奶的，但我揸極都揸唔到，所以係醫院個幾日都上唔到奶，要補奶粉🤦🏻♀️。
到出院返到屋企，我見卡樂b好似食極都食唔到咁，咁岩我有部泵奶機，諗住泵下睇下自己有無奶，一泵先開始有幾滴，但因為卡樂b食唔飽既關係，我都係keep住補奶粉比佢的。
因為身邊既長輩/朋友都好緊張我地，比左好多tips我，例如有人同我講 “餵人奶唔好餵太耐，每邊10分鐘就好，太耐會傷乳腺！”，我一聽到話會傷乳腺，又聽過乳腺炎係好痛，我double check都無，就直接跟住做。其實我頭3/4個星期都會谷奶，有時谷到會滴奶添，但因為我以為餵得耐會傷乳腺，所以我真係比卡樂b食10分鐘就夾硬掹返出來，之後見佢喊就再補奶粉。但係呢刻我仲未發現個問題，我只係好奇點解咁耐仲未上奶，卡樂b點解仲未可以齋食人奶飽，所以去健康院個陣我有問過人奶姑娘，姑娘估可能係我餵奶姿勢有問題，佢即場教我一個正確姿勢，叫我返屋企跟住做。
之後第5/6個星期，我都有跟住人奶姑娘咁教去餵奶的，亦都有上網睇下片去學，但卡樂b都係食唔飽，我都係要補奶粉。到第7個星期，我忽發其想，不如睇下健康院d小冊子囉！其中一本專係講母乳的，我一睇，先發現原來我之前一直做錯左，之前我可能係好多奶，分分鐘我繼續餵，係可以做到全人奶，但就因為我自己既疏忽，搞到miss左個上奶黃金期😫
到我發現左個問題之後，奶量最多個陣都只係去到90ml，之後我點追奶，都追唔到卡樂b既食量，而補奶粉既份量都愈來愈多 (因為佢都幾大食🙈)，最後因為卡樂b覺得啜極都無奶出又唔飽，慢慢抗拒唔肯食人奶，所以我既奶量都開始下跌。
係呢件事上面我只可以怪自己，怪就怪在我無做資料蒐集，亦都無即時問專業人士，而我都因為呢件事，搞到心入面有條刺🥲不過點都好，其實無論食人奶定奶粉，bb都係咁長大，都係健健康康肥肥白白，所以都無咩所謂既~
最後我想對各位想做全人奶既準媽媽講，一有唔明/困難就要即刻搵專業人士，雖然可能身邊會有好多有經驗既朋友/長輩，但始終每個人情況都唔同，有經驗既朋友/長輩個一套方法都未必會適合你，所以點都係搵專業人士穩陣。
另外，我知道健康院每次都會派小冊子比各位新手父母的，我估10個有9個拎完都唔會睇😂但我個case就活生生咁證明左，其實本小冊子係有用的，所以我真係建議大家拎左之後盡快睇，唔好好似我咁突然醒起先睇，到時錯過左d機會就後悔莫及😔
Follow us on:
Facebook: Tutor Circle 尋補
Instagram: @tutorcircle
Website: https://www.tutorcircle.hk/blog/