自《東張西望》改節目方向後,不時為市民發聲揭發民生問題及不公平真相等,令觀眾大為讚賞。然而,日前有網民繼早前斥責《東張》女主持阮嘉敏衣著暴露後,再指《東張》另一位女主持黃穎君疑似走光博出位!究竟發生咩事?
撰文:東方新地|圖片:電視截圖、黃穎君Instagram
黃穎君被批走光博出位
話說幾日前適逢母親節,《東張西望》特地派出外景主持黃穎君到酒樓、花檔訪問一眾孝順仔女會點樣慶祝母親節,向媽咪表示心意。
然而,由於當日黃穎君不時俯身訪問受訪者時,不經意地露出事業線,因而有部分觀眾指出黃穎君當日上衣似乎有走光及太曝露之嫌!
與此同時,因上次阮嘉敏因著緊身露腰sport bra加貼身長褲行山而成功出位,有網民覺得黃穎君係想抄橋,乘機博出位。
雖然今次黃穎君因訪問期間彎腰露出心口而被指走光,但事實上,黃穎君一向係個有料之人,同時亦係網民不時討論的《東張》女主持人之一,所以相信今次因其出鏡相對以往似乎更暴露,先會引嚟一班網友熱烈討論!
黃穎君選過港姐
不過,大家咪以為黃穎君係位TVB新人,其實早在2010年佢就贏過《工展小姐選舉》冠軍,在選舉中獲得多個獎項。兩年後因參選2012年港姐競選,而入行,選美時仲有人話佢貌似謝安琪!
不過心水清的網民都知道,2012年呢屆港姐的質素可謂近年最高,三甲張名雅、黃心穎及朱千雪外,仲有湯洛雯、林泳淘、岑杏賢、陳婉衡等多位現時的大台姐仔,所以黃穎君都未能擠身決賽。
原來係中大碩士生
黃穎君落選港姐後加入大台,入行後主力向司儀發展,現時亦係娛樂新聞台主持,所以劇集演出未算太多。同好多港姐一樣,黃穎君的學歷都相當有睇頭,是香港大學教育學士及中文大學社會學文學碩士,也修讀香港公開大學的創意電影編劇課程,真係相當好學!
而去年書展期間,黃穎君推出哲學散文,她表示呢本書都係來自生活體悟,想同大家分享佢以對愛情、親情及友情嘅睇法,結合古今中外哲學家嘅金句。
「有力嫂」引網民關注
早前,黃穎君更有份於劇集《福爾摩師奶》中飾演「有力嫂」一角,雖然出場唔多,但憑一幕「有力嫂」兩公婆喺房內賣力地包餃子時講咗句「老公,再大力點!」,而成功令大家留意到佢。
向司儀界發展
雖然劇集少啲見到佢,不過黃穎君經常出現於大小商場活動或annual dinner,想必口材了得!
4年前嫁《後生仔傾吓偈》監製
雖然平時少機會見到,不過黃穎君身材都相當不俗,著起晚裝非常吸睛!不過唔好意思啦,黃穎君現實中都同喺《降魔的》一樣已為人妻,老公丘一峯係好受歡迎的J2節目《後生仔傾吓偈》監製!
據知黃穎君亦打算自編自導拍攝一些獨立電影,唔知會唔會兩公婆拍住上?
Tendy 咁都叫暴露????一畑溝都未露喎。。。
前世未見過胸咁。。
2019年05月16日00:22
許振綱 コウキョKongHui 打壓女人既一定係女人
2019年05月16日00:34
liu 果D網民係未太誇張
2019年05月16日01:08
Marco Au 班假道德,佢地唔會吊老婆既?
如果係女一定係d老姑婆無本錢又溝唔到仔
2019年05月16日01:37
Wild Choi 成日話香港嘅電視節目已經回塘,呢啲咪原因囉
嗰少少嘢就投訴,比著你係監製乜都唔敢拍啦
大時代掟人落街會比人投訴暴力
天地豪情張家輝滿面血比人話血腥
獎門人比人話不文
以後播中東節目,個個由頭包到腳,又比人話冇新意架喇
2019年05月16日03:01
顯示全部