港人對「流量」呢個詞未必熟悉，喺內地娛樂圈，「流量」即代表關注度，喺微博嘅轉評數同熱度，以及劇集嘅收視率點擊率等等。作為內地「流量藝人」嘅代表，Angelababy、鄧倫、朱一龍、齊聚一套劇集，內地劇《我的真朋友》 未開播前已經充滿話題。其中更有傳聞話，Angelababy同鄧倫因為拍呢套劇戲假情真撻著，Angelababy與黃曉明屢傳婚變，婚姻已經岌岌可危，現在再傳她戀上內地小鮮肉，傳聞一出，網民都大感震驚，而鄧倫嘅一班「迷妹」更係非常憤怒。
Angelababy同老公黃曉明本來係圈中公認嘅金童玉女，但今年開始不斷有兩人嘅婚變傳聞傳出嚟。事關Baby與老公喺微博越嚟越少互動，罕見嘅一次合體出席活動，兩人都似乎係貌合神離。
有人話插足兩人婚姻嘅，正係同Baby喺新劇中有合作嘅人氣小生鄧倫。顯然好多鄧倫fans都唔希望自家偶像惹上呢種緋聞，所以Baby同鄧倫都只能互相避嫌，期望盡快避過呢個風頭。
新劇超高CP感來自假戲真做？
《我的真朋友》呢套電視劇最近喺內地啱啱播完，呢套劇原定今年6月到月暑假檔開播，由於一啲未有正式說明嘅「特殊原因」，呢套劇突然被提檔到5月中播出，喺未有任何宣傳嘅情況下開播，全靠男女主角自帶嘅話題度帶起追看潮。當時唔少Baby粉絲都出盡力幫手宣傳，話呢套劇係偶像演技大爆發嘅一套電視劇。
Angelababy嘅演技一直未被外界看好，好像之前主演《創業時代》惡評如潮。不過平心而論，佢喺劇集《我的真朋友》中嘅表情同演技已經比之前進步唔少，而且角色比較生動活潑，同Baby性格好似，本色演出嘅Baby喺劇中都算精靈可愛。但係唔少網民仍然挑刺話Baby眼睛太大，好出戲，劉海造型都唔係好啱佢。
除咗女主角之外，劇中兩位男主角都係內地一線小生，人氣同話題度都超級高。佢哋分別係27歲鄧倫同31歲朱一龍。
▲鄧倫
▲朱一龍
Baby同鄧倫、朱一龍各自都有感情線，尤其係佢同鄧倫嘅高甜戲份，唔少人都覺得sweet到爆。
Baby同鄧倫喺劇中都係地產經紀，兩人嘅故事亦非常貼地，反映咗好多宜家年輕人面臨嘅租屋難、上車難嘅問題。
故事尾聲，兩人冧爆嘅深情kiss為呢一對CP畫上完美句號。
內地新晉男神鄧倫
因為提早播映 ，再加上Baby與鄧倫嘅不倫戀緋聞等等嘅原因，劇集成績未如理想。
出中一只可惜劇集到收官時，收視未如理想般大爆，有粉絲就批評，因為播出之前，鄧倫同Angelababy突然爆出緋聞，攪到好多人「脫粉」，更有人話Baby因為黃曉明被查稅，大難臨頭各自飛，唔能夠同老公同甘共苦。是真是假仲有待證明，但網上兩人嘅粉絲已經掀起几波罵戰。
而為咗避開槍頭，Baby同鄧倫就算要宣傳都好少喺微博有互動，畢竟鄧倫「女友粉」眾多，好多女fans都當正自己係鄧倫女朋友，所以如果Angelababy同鄧倫有過多互動的話，一定會激怒粉絲。
高大英俊，性格溫柔，鄧倫曾經喺，《爸爸去哪兒5》中擔任實習奶爸，非常有耐心，嗰時仲未紅嘅佢已經有好多粉絲。
去年暑假播出嘅內地古裝劇《香蜜沉沉燼如霜》成為收視率最高嘅劇集，喺全網刮起嘅一片「延禧攻略」風中，仍然不斷收穫人氣同口碑，男主角鄧倫絕對功不可沒。
劇集受歡迎，更有粉絲不滿鄧倫戲份太少而投訴。
鄧倫之前仲同過迪麗熱巴合演劇集《一千零一夜》，第一次擔正做男主角，表現可圈可點，不過網民普遍認為鄧倫身上有一股韓星味，呢個都係佢咁受歡迎嘅原因之一。
內地小鮮肉前度
鄧倫偏好高挑纖瘦、眼大大嘅女仔，唯一公開承認嘅前女友係大佢兩歲嘅內地女星金晨。金晨曾經喺《無心法師》中演過女主角「月牙」。
照咁睇，Baby似乎都係呢一類型，佢同兩人私底下究竟係咩關係，只能等時間嚟證明。
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**